Па словах спецыялістаў з Карнельскага ўніверсітэта, няўдалае каляровае рашэнне можа прыводзіць да развіцця розных захворванняў. Напрыклад, сцены чырвонага ці ярка-аранжавага колеру павышаюць узровень стрэсу і выклікаюць раздражненне. Часам такія колеры правакуюць скурны сверб. Таксама яны спрыяюць хуткаму паглынанню ежы, што пагражае парушэннем стрававання (піша Thе Jеwіsh Tіmеs).
Менш яркія адценні аранжавага колеру навукоўцы рэкамендуюць для кухняў і сталовых. Падобныя колеры зараджаюць бадзёрасцю і добрым настроем на ўвесь дзень. Аранжавы колер добра падыдзе для працоўнага месца, бо ён стымулюе разумовую дзейнасць. Праўда, на псіхіку падчас працы ён дзейнічае прыгнятальна. Для спальні найлепш падыходзіць блакітны колер. Ён станоўча ўплывае на інтымнае жыццё. А яшчэ ў спальнях з блакітнымі сценамі людзям часта сняцца добрыя сны. Асвятленне асабліва важна зімой. У змрочных і цёмных пакоях чалавек часта ўпадае ў роспач і адчувае трывогу. Доўгае знаходжанне ў падобных памяшканнях можа стаць прычынай дэпрэсіі, дыябету 2-га тыпу, атлусцення і нават анкалагічных захворванняў.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.