ацверджаны тэрміны правядзення ў 2015 годзе ўступнай кампаніі ў вышэйшых навучальных установах.
24-58
Прыём дакументаў на бюджэтныя месцы на ўсе формы навучання будзе весціся ў дзяржаўных ВНУ з 8 па 15 ліпеня, гэта значыць, што ў параўнанні з мінулым годам у абітурыентаў будуць тры дадатковыя дні, каб вызначацца з выбарам навучальнай установы і спецыяльнасці.
Уступныя іспыты ў ВНУ сілавых ведамстваў пройдуць з 16 па 19 ліпеня, у творчых ВНУ — з 16 па 25 ліпеня, а ва ўсіх астатніх — з 16 па 21 ліпеня. Залічэнне абітурыентаў на бюджэтныя месцы ў вышэйшыя навучальныя ўстановы МУС і МНС, а таксама ў Інстытут пагранслужбы і Ваенную акадэмію пройдзе па 23 ліпеня, у Акадэмію мастацтваў, Акадэмію музыкі і Універсітэт культуры — па 29 ліпеня. У іншыя ВНУ — па 25 ліпеня.
Дакументы на платную форму навучання ў ВНУ сілавых ведамстваў будуць прымацца па 29 ліпеня, у творчых ВНУ — па 31 ліпеня, ва ўсіх іншых — па 2 жніўня.
Тэрміны прыёму на завочную форму навучання ў ВНУ сельскагаспадарчага профілю традыцыйныя — з 1 па 30 лістапада.
У тым выпадку, калі ў якой-небудзь ВНУ застануцца незапоўненыя бюджэтныя месцы, будзе аб'яўлены дадатковы набор. Дакументы ад абітурыентаў, што паступаюць у рамках дадатковага набору, у ВНУ сілавых ведамстваў будуць прымацца з 24 па 26 ліпеня. У творчых ВНУ — з 30 па 31 ліпеня, а ва ўсіх астатніх — з 26 па 28 ліпеня.
Надзея НІКАЛАЕВА.
Мерапрыемства праводзіцца на добраахвотнай аснове.
Не выявіць ні секунды абыякавасці.