Заўтра ў Казахстане пройдуць датэрміновыя выбары. Як паведаміў пасол Казахстана ў Беларусі Ергалі БУЛЕГЕНАЎ, на гэта перш за ўсё паўплываў той факт, што на 2016 год выпадала б адразу дзве выбарчыя кампаніі: і прэзідэнцкая, і парламенцкая. Таму было прынята рашэнне правесці прэзідэнцкія выбары раней.
— Пасля ўсіх працэдур па рэгістрацыі кандыдатаў Цэнтральная выбарчая камісія зарэгістравала трох кандыдатаў у прэзідэнты, — праінфармаваў дыпламат. — Гэта дзейны прэзідэнт Нурсултан Назарбаеў, які быў вылучаны на з'ездзе партыі «Нур Атан», прадстаўнік Народнай камуністычнай партыі Тургун Сыздыкаў і самавылучэнец Абельгазі Кусаінаў. Апошні вельмі вядомы ў Казахстане: ён быў сенатарам, займаў розныя дзяржаўныя пасады, быў кіраўніком рэгіёна, міністрам...
Выбары ў Казахстане будуць праходзіць толькі ў гэту нядзелю, а датэрміновае галасаванне ў краіне не прадугледжваецца.
— Нашым урадам робіцца ўсё магчымае, каб выбары былі адкрытымі, дэмакратычнымі, для ўсіх кандыдатаў ствараюцца роўныя ўмовы, — падкрэсліў Ергалі Булегенаў.
Плануецца, што ў выбарах прыме ўдзел больш за 9 мільёнаў грамадзян Казахстана.
— На 64 участках за мяжой сфарміраваны выбарчыя камісіі. У Беларусі працуе ўчастковая выбарчая камісія №213, яна размяшчаецца ў Пасольстве Рэспублікі Казастан па адрасе вул. Куйбышава, 12. Акрамя таго, ёсць яшчэ адзін участак у Брэсце, дзе знаходзіцца консульства Казахстана. Ён разлічаны на Брэсцкую і Гродзенскую вобласці.
Як заўважыў дыпламат, да кампаніі праяўляюць інтарэс амаль усе грамадзяне.
— Гэта працэс абсалютна добраахвотны. Ва ўсіх рэгіёнах краіны ідзе актыўная падрыхтоўка да выбараў, трэба, каб кожны адчуў, што яго голас — вельмі важны. Нават тут, у Беларусі, студэнты, курсанты Ваеннай акадэміі таксама прыходзяць у пасольства, цікавяцца. Сярод іх, дарэчы, ёсць 84 чалавекі, якія будуць галасаваць упершыню, для іх гэта вельмі хвалююча.
У ЕАЭС — перспектыўная будучыня
Гаворачы пра супрацоўніцтва ў рамках Еўразійскага саюза, Ергалі Булегенаў заўважыў, што прыйдзе час, калі ўсе мы будзем ганарыцца гэтым аб'яднаннем.
Па словах пасла, праз некаторы час ЕАЭС стане адным з наймацнейшых рэгіянальных аб'яднанняў, з якім будуць лічыцца.
— Прэзідэнт Казахстана заклікаў сваіх калег зрабіць так, каб да 2050 года гэты наш саюз увайшоў у тройку самых моцных аб'яднанняў такога тыпу.
Надзея ЮШКЕВІЧ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.