У Брэсце пачала работу міжнародная выстава-кірмаш «Брэст. Садружнасць-2015». Гэта сямнаццаты па ліку форум, на якім збіраюцца айчынныя і замежныя вытворцы, а таксама праводзяць перамовы дзелавыя людзі. Для брастаўчан і гасцей горада выстава ў легкаатлетычным манежы становіцца яшчэ і нагодай набыць тавары без гандлёвай надбаўкі. Такую магчымасць наведвальнікам даюць каля сотні кампаній.
На кірмашы прадстаўлены мясныя, хлеба-булачныя вырабы, рыба, кансервы і іншая смачная прадукцыя. Цікавасць шматлікіх гасцей «Садружнасці» выклікаюць будаўнічыя матэрыялы, мэбля, бытавая тэхніка. Ёсць таксама адзенне, абутак, цацкі. На другі дзень выставы-кірмашу запланаваны форум вытворцаў і пастаўшчыкоў «Дзелавы Брэст».
Святлана ЯСКЕВІЧ
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».