З мэтай папярэджвання падчас прыёмнай кампаніі карупцыйных праяў у Палажэнне аб прыёмнай камісіі ўстановы вышэйшай адукацыі цяпер унесена норма, якая забараняе ўключаць у склад прадметных экзаменацыйных камісій асоб, якія выкладаюць на падрыхтоўчых курсах ВНУ, а таксама асоб, якія знаходзяцца ў блізкім сваяцтве з абітурыентамі.
Як паведамляе прэс-служба галоўнага адукацыйнага ведамства, пастановай Мінадукацыі былі ўнесены змены і дапаўненні ў Палажэнне аб прыёмнай камісіі ВНУ. У прыватнасці, для забеспячэння адзіных патрабаванняў да афармлення дакументаў уведзена тыпавая форма рэкамендацый педагагічнага савета ўстановы адукацыі для абітурыентаў, якія залічваюцца на педагагічныя спецыяльнасці без уступных выпрабаванняў. З улікам адмены льгот або ўвядзення пэўных абмежаванняў на льготнае пазаконкурснае залічэнне была перароблена форма інфармавання абітурыентаў аб ходзе прыёму дакументаў. Таксама адкарэктавана зводная экзаменацыйная ведамасць уступных выпрабаванняў ва ўстановах вышэйшай адукацыі.
Надзея НІКАЛАЕВА.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».