У мякаці пладоў абляпіхі — шмат вітамінаў, караціноідаў, фітастэролаў, ёсць тлустыя кіслоты, у тым ліку амега-3, неабходная для эфектыўнай работы мозга.
Плады і алей абляпіхі выкарыстоўваюць у народнай медыцыне для лячэння розных захворванняў, зажыўлення ран, аднаўлення тканак і ўмацавання імунітэту. Прэпараты з гэтай ягады могуць быць надта інтэнсіўнымі, таму без згоды доктара іх выкарыстоўваць не рэкамендуецца, а вось як ежа абляпіха і карысная, і бяспечная.
У пладах шыпшыны — вялікая колькасць антыаксідантаў, у тым ліку вітаміну С (лічыцца, што ў гэтым ёй няма роўных), плюс раслінная клятчатка.
Народная медыцына сцвярджае, што шыпшына зніжае артэрыяльны ціск, узровень «дрэннага» халестэрыну, боль у суставах, павышае агульны тонус арганізма, нават спрыяе зніжэнню вагі. Прэпараты з шыпшыны могуць быць таксама інтэнсіўнымі, выклікаць пабочныя эфекты і ўзаемадзейнічаць з некаторымі лекамі, таму прымаць іх трэба пад назіраннем урача. А ў якасці адвараў і джэмаў (лыжка джэму, шклянка адвару) шыпшына бяспечная і карысная. Найчасцей за ўсё з ягадай гатуюць напоі, выпечку, мармелад, джэм, сіроп і віно. Каб «выцягнуць» максімум карысных рэчываў з сухой шыпшыны, яе трэба варыць цягам гадзіны. Пасля можна піць.
Святлана БАРЫСЕНКА
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.