Ва ўсіх абітурыентаў Беларускага дзяржаўнага ўніверсітэта з'явілася магчымасць стварыць свой персанальны віртуальны кабінет. Электронны рэсурс прызначаны для папярэдняй рэгістрацыі абітурыентаў і іх наступнага інфармавання аб ходзе прыёмнай кампаніі.
У персанальным кабінеце размешчана форма анкеты для паступлення. Не выходзячы з дому, анкету можна запоўніць, раздрукаваць і прынесці разам з астатнімі дакументамі ў прыёмную камісію. У асабістым кабінеце абітурыенту будуць даступныя таксама звесткі пра яго бягучы рэйтынг сярод тых, хто паступае на тую ці іншую спецыяльнасць (групу спецыяльнасцяў пры агульным конкурсе), расклад экзаменаў (калі яны праводзяцца на выбранай спецыяльнасці), графік гутаркі з дэканам факультэта, а таксама вынікі залічэння. Уся пералічаная інфармацыя будзе даступная абітурыенту ў анлайн-рэжыме.
Стварыць асабісты кабінет можна на сайце БДУ, перайшоўшы па спасылцы http://abіt.bsu.by/.
Надзея НІКАЛАЕВА
nіkalaeva@zvіazda.by
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
