Зімбабвэ запатрабавала ад ЗША экстрадаваць паляўнічага Уолтара Палмера, які незаконна забіў знакамітага льва па мянушцы Сэсіл. Міністр аховы навакольнага асяроддзя, водных рэсурсаў і клімату Опа Мучынгуры заявіла: "Мы патрабуем ад кампетэнтных улад яго (паляўнічага) экстрадыцыі ў Зімбабвэ, каб ён паўстаў перад судом за ўчыненыя злачынствы".
Тры дні таму ў Зімбабвэ адкрыўся працэс над двума абвінавачанымі ў забойстве льва Сэсіла з нацыянальнага парку Хванге. Перад судом горада Хванге паўсталі зімбабвійцы Тэа Бранкхорст і Онэст Ндлову, якім заможны амерыканскі паляўнічы Уолтар Палмер заплаціў $ 50 тыс., каб яны выманілі самага вядомага ў краіне льва з ахоўнай тэрыторыі і далі магчымасць яго застрэліць. Ім прад'яўлена абвінавачванне ў браканьерстве. Гэта падзея выклікала буру абурэння і шквал асуджэння ў сацыяльных сетках.
Сэсіл - адзін з самых вядомых львоў Зімбабвэ. Ён меў асабліва цёмную грыву і насіў аброжак з датчыкам GPS. Яго вывучалі навукоўцы Оксфардскага ўніверсітэта. Магчыма, менавіта таму гісторыя яго адстрэлу выклікала такую моцную рэакцыю ў заходняй прэсе.
Асацыяцыя абаронцаў жывёл краіны паведаміла, што 55-гадовы Палмер параніў драпежніка з арбалета, а потым высачыў і застрэліў з вінтоўкі. У выпадку, калі суд прызнае іх вінаватымі, ім пагражае да 15 гадоў турмы.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
