Юрыдычны каледж Беларускага дзяржаўнага ўніверсітэта падвёў вынікі ўступнай кампаніі.
У гэтым годзе дакументы на ўсе формы навучання сюды падалі 498 чалавек, а залічана было 195 навучэнцаў. З іх на дзённую бюджэтную форму атрымання адукацыі на аснове базавай адукацыі былі залічаны 25 чалавек. Конкурс сярод прэтэндэнтаў склаў 6,4 чалавека на месца, а прахадны бал — 9,5 (у 2014-м — 9,3).
На дзённую бюджэтную форму атрымання адукацыі на аснове сярэдняй адукацыі залічана таксама 25 чалавек. Конкурс склаў 3,1 чалавека на месца. Прахадны бал — 16,8.
На завочную бюджэтную форму прынята 15 вучняў. Конкурс для іх склаў 1,5 чалавека на месца. Прахадны бал — 12,6.
На дзённую платную форму атрымання адукацыі на аснове агульнай базавай адукацыі было пададзена 118 заяў. Навучацца тут будуць 75 чалавек. Такім чынам на адно месца было зарэгістравана 1,6 прэтэндэнта. Прахадны бал склаў 8,3.
На дзённую платную форму атрымання адукацыі на аснове сярэдняй адукацыі з 42 ахвотных у Юрыдычны каледж прынята 25 чалавек. Конкурс склаў 1,7 чалавека на месца. Для навучання на платнай форме абітурыентам неабходна было набраць не менш як 13,6 бала.
На завочную платную форму навучання залічана яшчэ 30 чалавек. Тут утварыўся конкурс 2,5 чалавека на месца (у 2014 годзе быў 1,5). Прахадны бал — 7,6.
Надзея НІКАЛАЕВА
nіkalaeva@zvіazda.by
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
