Сёлета для работы ў Нацыянальным дзіцячым аздараўленча-адукацыйным цэнтры «Зубраня» былі сфарміраваны зводныя атрады БДПУ «Сузор'е» і «Сузор'е-1». Аб'яднанне самых лепшых студэнтаў розных факультэтаў забяспечыла ўнікальнасць гэтага праекта.
Як адзначаюць у БДПУ, работа з дзецьмі пад кіраўніцтвам педагагічных кадраў «Зубраняці» садзейнічала развіццю ў студэнтаў прафесійна-педагагічнай кампетэнтнасці.
Удзельнікі педагагічных атрадаў вывучалі, у прыватнасці, асаблівасці працы і арганізацыйныя аспекты дзейнасці атраднага выхавальніка, логіку развіцця лагернай змены, тэхніку бяспекі і даўрачэбную дапамогу, формы арганізацыі вольнага часу дзяцей, падрыхтоўку і правядзенне агульналагерных мерапрыемстваў. За лагерную змену педатрадаўцы паспяхова правялі больш за 20 мерапрыемстваў. Асабліва дзецям спадабаліся конкурсы «Прэзентацыя атрада», «Фестываль мастацтваў», «Карнавал», «Голас. Дзеці. Зубраня», «Інсцэніраванне казкі» і іншыя.
З аздараўленчым дзіцячым лагерам «Зялёны бор» Мінскага культурна-спартыўнага комплексу «Мінск-Арэна» факультэт сацыяльна-педагагічных тэхналогій БДПУ плённа супрацоўнічае ўжо цягам дзесяці гадоў. Ва ўдзельнікаў атрада «Ніка» ёсць магчымасць падчас канікул уладкавацца сюды на пасады педагога-арганізатара, сацыяльнага педагога, педагога дадатковай адукацыі і выхавальніка. Гэта дае шанц не толькі для працаўладкавання, але і для прафесійнай самарэалізацыі. У гэтым сэнсе ўдзел у складзе атрада — каласальны педагагічны вопыт. Не дзіва, што па выніках працы «Нікі» прафесіянальная падрыхтоўка і практычная педагагічная дзейнасць большасці студэнтаў, што ўваходзілі ў атрад, ацэнена на «9» і «10».
Сяргей СТАРЫНАЎ
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
