500 вучняў СШ №2 горада Нароўля сёлета сядуць за парты ў цалкам адноўленым будынку.
За два з паловай гады будаўнікі правялі капітальны рамонт памяшкання: узмацнілі вонкавыя сцены, замянілі дах, аконныя блокі, сістэмы ацяплення, вентыляцыі, водаправода і каналізацыі, электрычных сетак. Таксама быў выкананы рамонт фасада, праведзена добраўпарадкаванне школьнай тэрыторыі. У цалкам адноўленых класных пакоях усталявана сучасная мэбля, камп'ютарная тэхніка і іншае неабходнае для навучання абсталяванне.
Работы па рэканструкцыі школы выконваліся ў адпаведнасці з дзяржаўнай праграмай сацыяльна-эканамічнага развіцця і комплекснага выкарыстання прыродных рэсурсаў Прыпяцкага Палесся на 2010-2015 гады. Выдаткі з пачатку будаўніцтва склалі больш за Br40 млрд, пра што паведамілі ў прэс-службе Гомельскага аблвыканкама.
У першы вучэбны дзень першакласнікі Нароўлі атрымаюць у падарунак ад Прэзідэнта Рэспублікі Беларусь Аляксандра Лукашэнкі сваю першую школьную кнігу «Беларусь — наша Радзіма».
Ірына АСТАШКЕВІЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
