У Маскве ў Пасольстве Рэспублікі Беларусь у Расійскай Федэрацыі 2 верасня пройдзе круглы стол «Беларусь — Расія: агульны погляд у будучыню». Да ўдзелу ў ім запрошаны прадстаўнікі творчай інтэлігенцыі дзвюх краін.
— Да разгляду пісьменнікам і навукоўцам прапанаваны наступныя тэматычныя блокі — «Беларуска-расійскае адзінства: мінулае, сучаснае, будучыня», «Агульная культурная прастора — крок да разумення адзін аднаго», «Вопыт і перспектывы расійска-беларускага літаратурнага супрацоўніцтва», — падзялілася сваім бачаннем мяркуемай размовы міністр інфармацыі Рэспублікі Беларусь Лілія АНАНІЧ. — Сярод арганізатараў круглага стала — не толькі наша міністэрства, але і Саюз пісьменнікаў Беларусі, і Выдавецкі дом «Звязда», і федэратыўна-нацыянальная культурная аўтаномія «Беларусы Расіі».
З пытаннем пра тое, з якімі думкамі і меркаваннямі да ўдзелу ў круглым стале рыхтуюцца пісьменнікі Расіі, мы звярнуліся да члена Саюза пісьменнікаў Расіі, нашага земляка Валерыя КАЗАКОВА. І вось што пачулі ў адказ:
— Сёння, як ніколі, патрэбен дыялог. Канструктыўны пошук мадэлі развіцця — гэта і стратэгія ў развіцці беларуска-расійскіх адносін. Традыцыйнае гістарычнае, духоўнае пабрацімства павінна быць дэманстрацыяй моцы і сілы нашага сяброўства, вызначэння галоўных прыярытэтаў, узаемапавагі адзін да аднаго. Беларусь асабліва сёння бачыцца пляцоўкай міралюбства, грамадскай і сацыяльнай згоды. Прыемна, што з гэтымі ідэямі фарміруюцца і стасункі паміж пісьменніцкімі супольнасцямі Беларусі і Расіі. Ведаю асабіста, колькі добрых спраў робіць Міністэрства інфармацыі Беларусі ў гэтым напрамку. Альманах «Сугучча», які са штогадовага стаў паўгадавым, сёлета быў прысвечаны творчасці пісьменнікаў Масквы і Санкт-Пецярбурга. А, напрыклад, новае выданне «Блакаднай кнігі» Данііла Граніна і Алеся Адамовіча ў «Мастацкай літаратуры» — гэта ж дарагога каштуе! Гэта і ўзнаўленне класікі, і патрыятычнае, духоўнае выхаванне грамадства, моладзі сіламі нашай беларуска-расійскай супольнасці!..
Да ўдзелу ў круглым стале спрычыняцца і вядучыя расійскія масмедыя — «Российская газета», «Вечерняя Москва», літаратурна-мастацкія часопісы і газеты.
Кастусь Ладуцька
Мінск — Масква
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.