Вы тут

Высокія тэхналогіі ў былых казармах


У Гродне распачалася рэканструкцыя былых будынкаў пагранічнага атрада, дзе атрымае прапіску першы ў краіне рэгіянальны філіял Парка высокіх тэхналогій.

Праектныя работы прафінансаваў гарадскі бюджэт, а ўсе астатнія расходы бярэ на сябе Парк высокіх тэхналогій. З аднаго боку, ён выступае інвестарам па наданні «другога жыцця» будынкам у гістарычным цэнтры горада над Нёманам, якія доўгі час пуставалі. А з другога — клапоціцца аб пашырэнні свайго бізнесу, прычым цяпер ужо не толькі ў сталіцы. Тым больш што адпаведных спецыялістаў рыхтуе ГрДУ імя Янкі Купалы.

Рэканструкцыю гэтага аб'екта плануецца завяршыць да красавіка-мая наступнага года. У былых казармах размесцяцца рабочыя месцы супрацоўнікаў ПВТ, будуць створаны камфортныя ўмовы для навучання сучасным ІТ-тэхналогіям, для семінараў, трэнінгаў і дзелавых сустрэч. Акрамя таго, ужо добраўпарадкоўваюць тутэйшую зялёную зону. У прыватнасці, з'явяцца альтанкі для адпачынку і сонечны гадзіннік, прывядуць у парадак рэчышча і берагі рачулкі Юрысдыка. Усё гэта робіцца не толькі для спецыялістаў Парка высокіх тэхналогій, але і  для ўсіх жыхароў і гасцей горада, бо ўваход на тэрыторыю будзе вольным.

Барыс ПРАКОПЧЫК

prakopchіk@zvіazda.by

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».