"У трапасферы ўстановяцца паўночныя патокі, якія распаўсюдзяць арктычнае паветра. На ўсёй тэрыторыі Беларусі ўсталюецца халоднае надвор'е глыбокай восені. Сярэдняя тэмпература будзе на 3-5 градусаў ніжэйшай за норму. Арктычнае надвор'е будзе суправаджацца паўночным ветрам, начнымі замаразкамі і нізкай дзённай тэмпературай. Пахаладанне будзе зацяжным. Не выключана, што халоднае надвор'е захаваецца да сярэдзіны кастрычніка", - падкрэсліў ён.
У аўторак умовы надвор'я ноччу будуць вызначацца праходжаннем атмасфернага фронту, а днём - вобласцю павышанага атмасфернага ціску, сфарміраванай у халодным паветры паўночных шырот. Ноччу і раніцай у асобных раёнах пройдуць кароткачасовыя дажджы, днём пераважна без ападкаў. Ноччу месцамі па Брэсцкай і Гомельскай абласцях магчымы слабы туман. Тэмпература паветра ноччу складзе ад плюс 2 па поўначы да плюс 12 па поўдні, днём будзе 6-12, у паўднёвых раёнах паветра прагрэецца да 13-16 градусаў.
Далей халоднае надвор'е ўсталюецца на большай частцы краіны і па-ранейшаму будзе пад уладай вобласці павышанага атмасфернага ціску, сфарміраванай у халодным паветры паўночных шырот. У сераду будзе без ападкаў. Ноччу на большай частцы тэрыторыі чакаюцца замаразкі да 0-4 градусаў, месцамі, пераважна па поўдні, тэмпература складзе плюс 1-3. Днём прагназуецца 4-11 градусаў цяпла.
У чацвер ападкаў не чакаецца. Ноччу на большай частцы тэрыторыі будуць замаразкі 0-4, месцамі тэмпература панізіцца да мінус 5. Днём чакаецца 3-10 градусаў цяпла. У пятніцу таксама будзе пераважна без ападкаў. Ноччу на большай частцы тэрыторыі замаразкі 0-4, месцамі да 5 марозу. Тэмпература паветра днём складзе 3-9 градусаў цяпла.
У выхадныя дні захаваецца халоднае надвор'е, а жыхары паўночна-ўсходніх раёнаў краіны могуць убачыць і першы снег - там магчымы невялікія кароткачасовыя ападкі з перавагай снегу. Ноччу на большай частцы тэрыторыі прагназуюцца замаразкі 0-4, месцамі да 5-7 марозу. Тэмпература паветра днём складзе 2-9 цяпла.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.