Відэаролік пра тое, як безбілетніца вылазіць праз фортку сталічнага тралейбуса, што з'явіўся ў сеціве, многія спачатку ўспрынялі як нейкі розыгрыш. Гаварылася, што сюжэт зняў кіроўца «рагатага».
З яго каментарыяў па-за кадрам вынікала, што пасажырка без білета папалася кантралёрам. Выходзіць адмовілася, таму даехала да канчатковага прыпынку, дзе яе і закрылі ў тралейбусе, выклікаўшы міліцыю. Але дзяўчына не разгубілася і вылезла праз фортку. Як высветлілася, усё гэта было праўдай: такая гісторыя насамрэч здарылася ў мінулую нядзелю.
Выклік паступіў у 15.26, супрацоўнікі аператыўна былі на месцы. У райаддзел даставілі і 32-гадовую безбілетніцу, і двух кантралёраў-мужчын (некаторыя крыніцы дагэтуль пісалі, што канфлікт адбыўся паміж дзвюма жанчынамі — пасажыркай і кантралюючай асобай. — Аўт.), распавяла ў Партызанскім РУУС г. Мінска Наталля Ганусевіч. Тут безбілетніца напісала заяву на кантралёраў, абвінаваціўшы іх у тым, што яны быццам бы білі яе па руках, не давалі выйсці з тралейбуса. Адзін з кантралёраў напісаў заяву на пасажырку, абвінаваціўшы ў сваю чаргу тую ў паклёпе. Праводзіцца праверка.
Сяргей РАСОЛЬКА
rs@zviazda.by
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
