Вы тут

"Мы жывём у свеце, дзе многім народам не дазволена вырашаць свой лёс"


Тое, наколькі Сербія і Беларусь блізкія па духу, адчувалася яшчэ да таго, як Прэзідэнт Рэспублікі Сербія Таміслаў НІКАЛІЧ і Старшыня Савета Рэспублікі Нацыянальнага сходу Рэспублікі Беларусь Анатоль РУБІНАЎ увайшлі ў залу міжнародных перамоў верхняй палаты парламента. Гэта было відаць па шчырых усмешках, па жартах і прыязнасці, якімі абменьваліся ўдзельнікі сустрэчы. Так, даведаўшыся, што будынак, у якім нядаўна размясціўся Савет Рэспублікі, раней належаў Нацыянальнай бібліятэцы, нехта з сербскай дэлегацыі з вясёлай усмешкай паведаміў, што ў Сербіі ёсць вельмі добры рэстаран, які называецца "Бібліятэка", што сведчыць пра асаблівую любоў сербаў да... кніг.

Душэўнасць і ўдзячнасць пераважала над простай ветлівасцю і ў вітальных словах спікера верхняй палаты парламента.

— Для нас вялікае задавальненне і вялікі гонар прымаць вас тут у сябе, бо вы з'яўляецеся Прэзідэнтам Рэспублікі Сербія, якая вельмі блізкая нам па духу, традыцыях нашых народаў, па агульнай гісторыі і па асабістых адносінах, кантактах паміж нашымі людзьмі, як на ўзроўні кіраўніцтва, так і на іншых узроўнях, — звярнуўся Анатоль Рубінаў да высокага госця. — Ваш візіт — вельмі значная падзея ў гісторыі нашых краін... Нацыянальны сход зробіць усё магчымае, каб умацаваць адносіны паміж Беларуссю і Сербіяй.

Аднак з гэтай душэўнай атмасферай некалькі кантрасціравалі словы прэзідэнта Сербіі, якія былі сказаны ў адказ. Яны былі такімі ж шчырымі, але ў іх адчувалася горыч.

— Я ніколі не мяняў свайго стаўлення да Беларусі, — заверыў Таміслаў Нікаліч. — Я часта бачу ў лёсе Беларусі лёс Сербіі. Справа ў тым, што мы жывём у свеце, у якім многім народам не дазваляецца мець сваю пазіцыю і вырашаць свой лёс. А паколькі мы не можам паляцець куды-небудзь з зямнога шара, то нам прыходзіцца ў гэтым свеце неяк уладкоўвацца.

Прэзідэнт Сербіі падзякаваў Беларусі за непрызнанне незалежнасці Косава і Метохіі. Ён заўважыў, што такім прызнаннем Беларусь магла б атрымаць лепшыя пазіцыі ў ЕС, аднак не пайшла на гэтую здзелку. "А што б вы зрабілі, каб такое адбылося ў вашай дзяржаве, пытаюся я ва ўсіх прэзідэнтаў свету. Ці размаўлялі б увогуле? А мы вядзём перамовы," — заўважыў Таміслаў Нікаліч.

Вольга МЯДЗВЕДЗЕВА.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.