Аб гэтым "Звяздзе" расказаў на адкрыцці Акадэміі піва "Аліварыя" генеральны дырэктар піўзавода Міхаіл Чэчанеў.
"Калі расце акцыз, калі ёсць інфляцыя, то мы вымушаны таксама павышаць цэны, бо мы — не дабрачынная арганізацыя. Мы павінны суадносіць свае дзеянні з агульнымі эканамічнымі тэндэнцыямі, якія ёсць у краіне. Мы не чакаем вельмі вялікага росту цаны на піва, як гэта было ў 2011 і 2012 гадах, але ён будзе", — растлумачыў сітуацыю дырэктар піўзавода.
Таксама Міхаіл Чэчанеў
расказаў пра агульны стан піваварнай галіны Беларусі. "Мы плануем заняць долю рынку большую, чым летась.
А рынак у цэлым ацаніць даволі складана, бо на яго ўплываюць, акрамя нашых жаданняў, магчымасці нашых спажыўцоў. Таму мы мяркуем, што рынак наўрад ці вырасце. У любым выпадку кардынальна ён не зменіцца", — лічыць кіраўнік "Аліварыі". Што ж тычыцца экспарту піва, то "прыярытэтным кірункам для гэтага з'яўляецца расійскі рынак". Ідзе таксама праца з Прыбалтыкай. А нядаўна піўзавод адкрыў для сябе і рынак Украіны: "Давер да беларускіх прадуктаў ва Украіне вельмі высокі". Дарэчы, па словах Міхаіла Чэчанева, у піўной галіне ў сувязі з уступленнем Расіі ў Сусветную гандлёвую арганізацыю сітуацыя практычна не змянілася: "Напэўна, таму, што беларуская прадукцыя карыстаецца попытам і даверам. Трэба было толькі трошкі прыстасоўвацца да новага расійскага заканадаўства". У той жа час, як і раней на айчынным рынку запатрабавана імпартнае піва: "Спажывец сам выбірае тое, што яму падабаецца. Мы лічым, што рост імпарту будзе адбывацца, але не такімі радыкальнымі тэмпамі, і больш за 30% рынку будзе складана заваяваць", — заявіў Міхаіл Чэчанеў.
Між іншым, на адкрыцці Акадэміі, якая будзе вучыць ахвотных лепш разбірацца ў піве і ацэньваць яго якасць, быў аб'яўлены конкурс на самую цікавую і яркую гісторыю, звязаную з заводам ці яго прадукцыяй. Напрыклад, вядома, што адзін мільярдэр пачынаў сваю кар'еру грузчыкам на "Аліварыі". Не менш цікавы факт, што піва на заводзе варылі нават падчас Вялікай Айчыннай вайны і работнікі спецыяльна атручвалі яго, каб нашкодзіць немцам. Да ўдзелу ў конкурсе запрашаюцца людзі, старэйшыя за 18 гадоў.
Уладзіслаў КУЛЕЦКІ.
Мерапрыемства праводзіцца на добраахвотнай аснове.
Не выявіць ні секунды абыякавасці.