Коратка

Не пераадолелі парог 20 балаў, устаноўлены Міністэрствам адукацыі, 14,07 працэнта абітурыентаў з 1 720 удзельнікаў іспыту па геаграфіі.

У Дзень сям'і, любові і вернасці (8 ліпеня) у Гродне запрашаюць пакланіцца іконе заступнікаў шлюбу. Абраз з мошчамі святых дабраверных князёў Пятра і Фяўронні Мурамскіх захоўваецца ў манастыры як дар Свята-Троіцкага Мурамскага манастыра. Абраз будзе даступны для пакланення ў галоўным храме манастыра з 8.00 да 21.00.

Цалкам адкрыты рух на транспартнай развязцы на скрыжаванні вуліц Ціміразева і Арлоўскай у Мінску.

Супрацоўнікі Ашмянскай мытні затрымалі 15 тыс. пар кантрабандных імпартных шкарпэтак фірмы Nіkе. Папярэдне шкарпэткавыя вырабы ацэненыя на суму звыш Br647 млн.