Вы тут

Да ўрачоў праз інтэрнэт


Пасля мадэрнізацыі ў Брагіне адкрылася цэнтральная раённая паліклініка. Гэта стала магчымым дзякуючы Дзяржаўнай палітыцы ў галіне абароны насельніцтва, якое пацярпела ад катастрофы на Чарнобыльскай АЭС. На мадэрнізацыю, што пачалася ў 2011 годзе, з Гомельскага абласнога бюджэту было выдаткавана 6 млрд рублёў.

Цяпер пацыенты ў адным будынку могуць атрымаць не толькі медыцынскую, але і сацыяльную дапамогу — тут размешчаны і тэрытарыяльны цэнтр сацыяльнага абслугоўвання насельніцтва. Хворым не прыйдзецца шукаць аптэку: набыць лекавыя сродкі можна на месцы. Дарэчы, паліклініка прыстасавана для людзей з абмежаванымі магчымасцямі — зроблены элементы безбар'ернага асяроддзя. Каб вяскоўцам, якія звяртаюцца да раённых урачоў па дапамогу, было больш зручна трапіць на прыём, расклад працы спецыялістаў адаптаваны да раскладу транспарту.

У межах мадэрнізацыі ў паліклініцы пачала дзейнічаць лакальная сетка паміж паліклінічнымі аддзяленнямі і стацыянарам. У рэгістратуры ўведзена электронная картатэка, а замовіць талон на прыём можна не толькі па тэлефоне, але і праз інтэрнэт, ёсць сістэма відэаназірання і аўдыязапісу. Акрамя таго, уведзена міні-АТС, што дазваляе кансультаваць асобных пацыентаў па тэлефоне. Аддзяленне стаматалогіі цалкам змяніла абсталяванне на новае, сучаснае. Усе кабінеты прыёму прыстасаваны як для пацыентаў, так і для супрацоўнікаў паліклінікі. Прадугледжаны спецыяльныя пакоі для работы памочнікаў урачоў.

Галоўны ўрач Брагінскай цэнтральнай раённай бальніцы Ігар Кірэня

расказаў, што на працягу апошніх пяці гадоў у Брагіне адзначаецца натуральны прырост насельніцтва. Узровень нараджальнасці перавышае агульнарэспубліканскі і абласны і складае 14,5 на 1000 жыхароў.

Ірына АСТАШКЕВІЧ.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».