Вы тут

Рыцары на Замкавай гары


Мсціслаў запрашае на традыцыйнае свята сярэднявечнай культуры "Рыцарскі фэст". Яно пройдзе 27 і 28 ліпеня ў старажытным горадзе на беларуска-расійскім памежжы.

Як і заўсёды, удзельнікаў і гасцей свята чакае насычаная праграма. Фэст адкрываецца ўрачыстым шэсцем рыцарскіх клубаў, а потым іх удзельнікі пакажуць сваё майстэрства на турнірах. На Замкавай гары будуць спаборнічаць лучнікі, адбудуцца дзве рыцарскія арміі, клуб "Залатая шпора

" наладзіць конную дзею.

Будуць канцэрты і танцы, вогненнае шоу і феерверк. Запрацуе кірмаш і горад майстроў. Арганізатары прапануюць экскурсіі па гістарычных месцах Мсціслаўшчыны і помніках архітэктуры. З навінак праграмы — шоу асілкаў, "Сярэднявечны балаган" і нават гонкі прусакоў.

1374061542141_12-8

На большасць мерапрыемстваў трэба будзе набываць квіткі: іх кошт ад 5 да 30 тысяч рублёў, з палавіннай зніжкай для дзяцей да 10 гадоў. Аднак ёсць выгадная прапанова: атрымаць комплексны квіток за 160 тысяч рублёў.

Інфармацыю пра сферу паслуг на "Рыцарскім фэсце" можна ўзяць на сайце Мсціслаўскага райвыканкама. З харчаваннем і начлегам праблем не павінна быць, да таго ж мясцовыя ўлады на час свята робяць добраўпарадкаваную пляцоўку для палатачнага гарадка ў гарадскім парку.

Ілона ІВАНОВА

Выбар рэдакцыі

Грамадства

Як жывуць і каго чакаюць у госці жыхары адрэзанай вадой Палянаўкі

Як жывуць і каго чакаюць у госці жыхары адрэзанай вадой Палянаўкі

Працягваем сачыць за развіццём паводкавай сітуацыі.

Калейдаскоп

100 гадоў Леаніду Шчамялёву. Як добра вы ведаеце жыццё і творчасць мастака? Тэст

100 гадоў Леаніду Шчамялёву. Як добра вы ведаеце жыццё і творчасць мастака? Тэст

Леанід Дзмітрыевіч стаў сапраўдным класікам беларускага жывапісу.