Вы тут

Будзе "Клуб беларусаў" і ў Смаленску!


Паводле апошняга перапісу насельніцтва, зробленага ў 2010 годзе, у Смаленскай вобласці пражывала больш як 12 тысяч беларусаў. Асобныя з іх займалі (і займаюць!) высокія пасады ў адміністрацыі вобласці, кіравалі прадпрыемствамі і ўстановамі, пастаянна кантактавалі паміж сабой, але ж пры гэтым (у адрозненне ад многіх іншых абласцей і краін) не мелі сваёй арганізацыі.

Для таго, каб ліквідаваць гэтае ўпушчэнне, не так даўно сустрэліся начальнік Галоўнага ўпраўлення Цэнтрабанка Расіі па Смаленскай вобласці спадар Чахуноў, дырэктар прадпрыемства "Прыёрбуд" спадар Сцяпанаў, віцэ-прэзідэнт Смаленскага банка (а "па сумяшчальніцтве" — прэзідэнт Маскоўскага клуба беларусаў) спадар Кандыба ды многія іншыя. Вынікам гэтай сустрэчы стала заснаванне новай грамадскай арганізацыі — Клуба беларусаў Смаленскага краю. Старшынёй яго абраны ўраджэнец горада Клімавічы, намеснік начальніка дэпартамента эканамічнага развіцця, інвестыцый знешнеэканамічнай дзейнасці і прадпрымальніцтва вобласці спадар Сакалоў. Менавіта яму (дарэчы, чалавеку з трыма вышэйшымі адукацыямі) землякі даручылі падрыхтаваць устаноўчыя дакументы і зарэгістраваць грамадскую арганізацыю. Уступіць у яе змогуць усе, хто мае беларускія карані.

Канферэнцыю, на якой будуць вырашаны арганізацыйныя пытанні, плануецца правесці ў верасні.

Кацярына МАЗГАНАВА.

Выбар рэдакцыі

Грамадства

Карэспандэнт «Звязды» высвятляла, чаму так цёмна на асветленых вуліцах Магілёва

Карэспандэнт «Звязды» высвятляла, чаму так цёмна на асветленых вуліцах Магілёва

Вечарам прайсціся ўздоўж цэнтральнай вуліцы Першамайскай у Магілёве адно задавальненне.

Спорт

Баскетбаліст Бенджамін-Павел Дуду: У Гане мяне называлі белым

Баскетбаліст Бенджамін-Павел Дуду: У Гане мяне называлі белым

Мама Бена — беларуска, тата — ураджэнец Ганы.

Эканоміка

Куды звяртацца, калі грамадзяніну затрымліваюць зарплату?

Куды звяртацца, калі грамадзяніну затрымліваюць зарплату?

Адказ на гэта і іншыя пытанні — у гутарцы з Дзмітрыем Шаўчуком.