У пятніцу на тэрыторыю нашай краіны будуць паступаць вільготныя паветраныя масы з Балтыйскага мора, паведаміла рэдакцыі спецыяліст Рэспубліканскага гідраметцэнтра Мінпрыроды Вольга Фядотава.
Удзень чакаюцца кароткачасовыя дажджы, у асобных раёнах магчымы навальніцы. Максімальная тэмпература паветра — 18—24 цяпла. У выхадныя прагназуецца павышаны атмасферны фон. Аднак у суботу на ўсходзе краіны яшчэ будзе гаспадарыць вільготнае паветра з Балтыкі. Таму 3 жніўня па ўсходнім рэгіёне Беларусі будуць назірацца кароткачасовыя дажджы. На астатняй тэрыторыі — без ападкаў. Тэмпература паветра ў ноч на суботу 10—15 цяпла, удзень ад плюс 18 па паўночным усходзе да плюс 28 па паўднёвым захадзе Беларусі.
У нядзелю чакаецца ўвогуле без ападкаў. Аднак месцамі па Магілёўскай і Гомельскай абласцях магчымы слабенькія кароткачасовыя дажджы і навальніцы. Стане цяплей. Уначы будзе ўжо 11—16, удзень — плюс 22—27, а па паўднёвым захадзе нават да плюс 29 градусаў.
Паводле папярэдніх прагнозаў айчынных сіноптыкаў, у панядзелак уначы будзе без ападкаў, а ўдзень у асобных раёнах непрацяглыя дажджы і навальніцы. Стане яшчэ цяплей. У ноч на панядзелак чакаецца 12—17, удзень — 24—29, а па паўднёвым захадзе Брэсцкай вобласці да плюс 30 градусаў. Сіноптыкі лічаць, што ў сярэдзіне наступнага тыдня нас увогуле чакае спякотнае надвор'е, калі максімальная тэмпература паветра ўдзень будзе дасягаць 26—33 градусаў.
Сяргей КУРКАЧ.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
