Вы тут

Пералік адміністрацыйных працэдур пры назначэнні асобных відаў дапамог


Як паведамілі БелТА ў прэс-службе Прэзідэнта, Аляксандр Лукашэнка 5 жніўня падпісаў адпаведны ўказ № 342, якім унесены дапаўненні і змяненні ва ўказ ад 26 красавіка 2010 года № 200 "Аб адміністрацыйных працэдурах, якія ажыццяўляюцца дзяржаўнымі органамі і іншымі арганізацыямі па заявах грамадзян".

Зыходзячы з палажэнняў закона ва ўказе ўдакладнены найменні некаторых адміністрацыйных працэдур для назначэння дзяржаўных дапамог сем'ям, што выхоўваюць дзяцей, арганізацыі, у якія павінен звярнуцца грамадзянін за назначэннем названых дапамог, пералік дакументаў, прадастаўленне якіх неабходна для назначэння дапамог, а таксама тэрміны назначэння некаторых відаў дзяржаўных дапамог сем'ям, што выхоўваюць дзяцей.

У прыватнасці, прадугледжана, што назначэнне і выплата дапамог па цяжарнасці і родах, па доглядзе дзіцяці ва ўзросце да 3 гадоў, на дзяцей старэйшых за 3 гады з асобных катэгорый сем'яў будзе ажыццяўляцца не толькі па месцы работы, вучобы, у органах па працы, занятасці і сацыяльнай абароне, але і па месцы праходжання грамадзянамі падрыхтоўкі ў клінічнай ардынатуры. Пры гэтым за назначэннем і выплатай дапамог па часовай непрацаздольнасці па доглядзе дзіцяці грамадзяне, якія стаяць на ўліку ў органах Фонду сацыяльнай абароны насельніцтва Мінпрацы і сацабароны ў якасці плацельшчыкаў абавязковых узносаў, павінны будуць звяртацца ў органы фонду.

Доля назначэння дапамогі па цяжарнасці і родах жанчыне (нараўне з дакументамі, якія прадстаўляюцца цяпер) неабходна будзе прадставіць даведку аб памеры заработнай платы, калі на працягу 6 месяцаў, што папярэднічалі месяцу, у якім у яе ўзнікла права на дапамогу, яна працавала ў розных наймальнікаў. Гэта патрабуецца ў сувязі з тым, што ў заработак для вылічэння названай дапамогі ўключаюцца не ўсе выплаты, на якія налічваюцца абавязковыя страхавыя ўзносы, і ён не можа быць пацверджаны звесткамі індывідуальнага (персаніфікаванага) уліку, якія маюць у распараджэнні органы фонду. Акрамя таго, для назначэння асобных відаў дапамог грамадзяне павінны будуць прадстаўляць некаторыя дакументы, якія ёсць у іх асабіста (напрыклад, пасведчанне аб заключэнні шлюбу для мачыхі (айчыма) дзіцяці, копія рашэння мясцовага выканаўчага і распарадчага органа аб устанаўленні апекі (папячыцельства) для асоб, назначаных апекунамі (папячыцелямі).

У выпадку неабходнасці накіравання запыту дакументаў і (або) звестак ад іншых дзяржаўных органаў, іншых арганізацый і (або) атрымання дадатковай інфармацыі для назначэння, напрыклад, дапамог па цяжарнасці і родах, па часовай непрацаздольнасці па доглядзе дзіцяці тэрмін назначэння такіх дапамог складзе 1 месяц. Пры адсутнасці неабходнасці накіравання такога запыту тэрмін назначэння названых дапамог, як і раней, складзе 10 дзён з дня звароту грамадзяніна.

Указ уступае ў сілу пасля яго афіцыйнага апублікавання.

Загаловак у газеце: Удакладнены пералік адміністрацыйных працэдур пры назначэнні асобных відаў дапамог

Выбар рэдакцыі

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй.