Вы тут

У Бялынічах — і джаз, і блюз, і "Бітлз"


У раённым цэнтры адкрылася выстава "Музыка габелену". Работы мінскай мастачкі Марыі Барысенкі размешчаны ў дзвюх залах раённага музея імя Бялыніцкага-Бірулі.

1375788233473_1

Габелены Марыі Барысенкі — гэта не проста цікавыя ідэі і сюжэты, але таксама спалучэнне незвычайных тэхнік, калі ў палатно ўплятаюцца самыя розныя матэрыялы (напрыклад, кавалкі жалеза) і нават музычныя інструменты. Мяркуецца, што асаблівай увагай наведнікаў бялыніцкай выставы будзе карыстацца трыпціх "Жоўтая падводная лодка" з арыгінальнай падсветкай. Сама Марыя, дарэчы, расказвала, што працуе над сваімі творамі пад "Бітлз",

і ўпэўнена, што іх музыка ўвогуле змяніла свет.

Мастачка пакажа ў Бялынічах 15 работ. Білет на выставу каштуе сімвалічных грошай. Ідэя выставы належыць лідару бялыніцкага гурта Whіtе Nіght Bluеs Юрыю Несцярэнку. Гэты музычны калектыў і запрошаныя госці з групы "Балцкі субстрат" забяспечылі жывую музыку на адкрыцці выставы.

1375788233332_2

Увогуле такая выстава нетрадыцыйная для рэгіёна, бо публіцы на Магілёўшчыне звычайна прадстаўляюць акадэмічныя мастацкія плыні. Тым больш што выстава праходзіць у музеі, які носіць імя Вітольда Бялыніцкага-Бірулі. Славуты мастак, які нарадзіўся на Бялыніччыне ў 1872 годзе, пісаў няяркія, вытанчаныя і вельмі класічныя пейзажы.

— Усяму свой час, — пракаментаваў Юрый Несцярэнка. — Мне здаецца, што Бялыніцкі-Біруля быў для свайго часу прагрэсіўным чалавекам, і ён бы абавязкова зразумеў сучасныя новыя творчыя ідэі, якія не абавязкова павінны быць у звыклым рэчышчы.

На закрыцці выставы, напрыканцы жніўня, музыканты абяцаюць яшчэ адзін "жывы" канцэрт для бялыніцкіх аматараў джаза, блюза і "Бітлз".

Ілона Іванова

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.