Мінская вобласць першай пераадолела мільённую мяжу ў намалоце збожжа новага ўраджаю: на раніцу 7 жніўня намалочана 1 млн 28 тыс. тон збожжа, убрана 57% запланаваных плошчаў. Святочны сноп прыняў ад аграрыяў адкрытага акцыянернага таварыства "Сцешыцы" старшыня Мінаблвыканкама Барыс Батура. Тут жа, на полі, адбылося ўрачыстае ўшанаванне першага на Вілейшчыне камбайнерскага экіпажа, які намалаціў звыш 1 тыс. тон збожжа. Мікалай і Наталля Дварэцкія хоць і працуюць разам на жніве шосты сезон, толькі сёлета сталі першымі ў раёне. Яны атрымалі з рук Барыса Батуры ганаровыя граматы, кветкі і грошы.
Усяго на жніве ў вобласці задзейнічана больш за 30 тыс. чалавек і каля трох з паловай тысяч адзінак тэхнікі. Працуюць больш за 2 тыс. камбайнерскіх экіпажаў. Паводле аператыўных даных, у Мінскай вобласці 142 камбайнерскія экіпажы намалацілі больш за 1 тыс. тон збожжа і столькі ж перавезлі 150 кіроўцаў.
Марына БЕГУНКОВА,
фота аўтара.
Вілейскі раён.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
