У Беларусі з сённяшняга дня на 10 працэнтаў павялічваюцца закупачныя цэны на малако.
Гэта прадугледжана пастановай Міністэрства сельскай гаспадаркі і харчавання №34 ад 1 жніўня, якая была апублікавана на Нацыянальным прававым інтэрнэт-партале.
Закупачныя цэны на прадукцыю жывёлагадоўлі, уключаючы малако, не павялічваліся з красавіка мінулага года. Таму цяперашняе рашэнне павінна дазволіць захаваць станоўчую рэнтабельнасць продажу малака, павялічыць выручку сельскагаспадарчых арганізацый. Разам з тым, яно не павінна аказаць значнага ўплыву на фінансавы стан малакаперапрацоўчых арганізацый.
У адпаведнасці з пастановай, цана на малако гатунку "экстра" складзе 3 млн 537 тыс. рублёў за тону, на малако вышэйшага гатунку — 3 млн 047 тыс., першага гатунку — 2 млн 810 тыс. рублёў.
Фіксаваныя цэны на малако, што закупліваецца для дзяржаўных патрэб, павялічваюцца з мэтай частковага пакрыцця выдаткаў на вытворчасць сельскагаспадарчай прадукцыі, а таксама атрымання сродкаў для закупкі матэрыяльных рэсурсаў і пагашэння крэдытаў.
Сяргей РАСОЛЬКА.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
