Вы тут

І навошта спісалі будынкі?


Камітэтам дзяржкантролю Віцебскай вобласці ўстаноўлены факты безгаспадарчага выкарыстання дзяржаўнай уласнасці арганізацыямі, якія вядуць дзейнасць у галіне будаўніцтва.

— Адпаведным Указам Прэзідэнта "Аб некаторых пытаннях спісання аб’ектаў, якія не выкарыстоўваюцца" было прадастаўлена права арганізацыям, якія ажыццяўляюць дзейнасць у галіне будаўніцтва і прамысловасці будаўнічых матэрыялаў, рабіць спісанне ў 2008-2010 гадах будынкаў, ізаляваных памяшканняў. Маюцца на ўвазе будынкі, якія не выкарыстоўваюцца больш за 2 гады, знаходзяцца ў аварыйным стане. Гэта тычылася таксама незакансерваваных, незавершаных аб'ектаў з перавышэннем нарматыўнага тэрміну будаўніцтва больш за 2 гады, ступень гатоўнасці якіх не перавышае 60 працэнтаў, — паведамілі ў кантрольным ведамстве.

Як высветлілі рэвізоры, у выніку з балансаў падпарадкаваных камітэту па архітэктуры і будаўніцтве Віцебскага аблвыканкама прадпрыемстваў

было зроблена спісанне больш за 150 аб'ектаў дзяржаўнай маёмасці на агульную суму каля 40 мільярдаў рублёў.

Падчас правядзення кантрольных мерапрыемстваў было ўстаноўлена, што частка з названых аб'ектаў не была ліквідаваная, асобныя з іх маюць высокую ступень гатоўнасці і запатрабаваны суб'ектамі гаспадарання.

Пры гэтым работнікі арганізацый балансатрымальнікаў, а таксама мясцовых органаў улады, абавязаных забяспечваць эфектыўнае выкарыстанне дзяржаўнай маёмасці, у парушэнне патрабаванняў дзейнага заканадаўства на працягу больш за 4 гады пасля спісання "нібыта не заўважалі" наяўнасць не ўлічаных аб'ектаў дзяржаўнай уласнасці. У выніку, праца па іх далейшым эфектыўным выкарыстанні не праводзілася, маёмасць без гаспадароў папросту руйнавалася.

Па патрабаванні Камітэта дзяржкантролю ўсе выяўленыя не разабраныя на будматэрыялы аб'екты адноўлены на ўліку іх ранейшых балансатрымальнікаў (на агульную суму 5 мільярдаў рублёў). Прыняты меры па забеспячэнні іх эфектыўнага выкарыстання.

За дапушчаныя парушэнні прыцягнулі да дысцыплінарнай адказнасці 15 работнікаў камітэта па архітэктуры і будаўніцтве Віцебскага аблвыканкама і падпарадкаваных яму будаўнічых прадпрыемстваў.

Аляксандр ПУКШАНСКІ.

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.