Мінскі трактарны завод і надалей адным з прыярытэтных кірункаў будзе лічыць пашырэнне продажаў сваёй тэхнікі ў Еўропе. Пра гэта было заяўлена на нарадзе кіраўніцтва "МТЗ", якая прайшла ў Венгрыі з удзелам беларускіх дыпламатаў на базе кампаніі "Беларус Трактар".
Кампанія "Беларус Трактар" — гэта 100-працэнтная ўласнасць МТЗ, які даўно і паспяхова ажыццяўляе продаж нашых трактароў розных мадыфікацый на венгерскім рынку, прычым мае ў горадзе Хорт
, што паблізу Будапешта, уласны выставачна-складскі цэнтр. Цяпер менавіта "Беларусы" з'яўляюцца адной з вядучых пазіцый беларускага экспарту ў Венгрыю. Летась у гэтай краіне прададзена 900 адзінак тэхнікі на суму
16 млн долараў, сёлета — ужо 690 (на суму каля 13,5 млн).
Кіраўніцтвам МТЗ якраз і вывучаўся станоўчы вопыт дзейнасці кампаніі "Беларус Трактар" на венгерскім рынку. Менавіта з улікам гэтага вопыту абмеркаваны стратэгія павышэння эфектыўнасці і пашырэння продажаў беларускіх трактароў у Еўропе, пытанні забеспячэння сэрвіснага абслугоўвання тэхнікі, паляпшэння яе якасці ў адпаведнасці з еўрапейскімі стандартамі, а таксама далейшае ўдасканаленне дылерскай сеткі ў рэгіёне.
Між тым, па звестках Белстата, у першым паўгоддзі ў нас выраблена 34,4 тыс. трактароў для сельскай і лясной гаспадаркі, што складае 90,4% да ўзроўню мінулага года. Экспарт трактароў склаў у студзені—маі 20066 адзінак тэхнікі на 377 млн долараў.
Такім чынам, калі часам гаворыцца пра значныя складскія запасы, прыклад венгерскага прадстаўніцтва МТЗ сведчыць пра тое, што наша тэхніка па-ранейшаму запатрабавана. Гандляваць вучыцца нікому і ніколі не позна...
Пятро РАМАНЧУК.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
