Сёння ў 11 гадзін у Палацы мастацтваў, што на вуліцы Казлова ў Мінску, адбудзецца развітанне з народным мастаком Беларусі, графікам Арленам Кашкурэвічам. Пасля цяжкай хваробы Арлен Кашкурэвіч пайшоў у лепшы свет на 84-м годзе жыцця 26 жніўня.
Але пасля сябе пакінуў шмат чароўных твораў мастацтва. Арлен Міхайлавіч
— вядомы кніжны графік, яго малюнкамі аздоблены дзясяткі кніг. З ілюстрацыямі Кашкурэвіча выходзіла і "Дзікае паляванне караля Стаха" Уладзіміра Караткевіча, і "Найвышэйшая песня Саламонава", і "Фаўст" Гётэ, і "Песня пра зубра" Міколы Гусоўскага, і шмат іншых твораў сусветнай і беларускай літаратуры. Яго імя — брэнд беларускай кніжнай графікі. Ён быў кумірам і настаўнікам для многіх. Маючы свой адметны, рэалістычны, працяты тонкім псіхалагізмам стыль, Арлен Кашкурэвіч у сваёй творчасці заўжды ўздымаў надзвычай важныя для беларусаў пытанні. Гісторыя, культура, нацыянальнае, памяць, каханне, вера — пра ўсё гэта мастак гаварыў мовай штрыхоў і сілуэтаў. А яго схільнасць да манахромнай графікі заўсёды натхняе на думкі пра тое, што ў свеце насамрэч усё проста і што праўду ад хлусні, а дабро ад зла адрозніць не так і цяжка. Варта толькі захацець, вельмі пастарацца. Выдатнага беларускага мастака ўжо няма з намі на гэтай зямлі. Але таму мы павінны старацца яшчэ больш самааддана.
Смуткуем. Выказваем шчырыя спачуванні родным і блізкім.
Звяздоўцы.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.