Вы тут

Беларускае радыё — новы вяшчальны сезон


1 верасня 2013 года на Першым нацыянальным канале Беларускага радыё пачынаецца новы вяшчальны сезон 2013—2014 гг. Асноўнай маркетынгавай мэтай сезона з'яўляецца паляпшэнне пазіцый канала ў FM-прасторы краіны. Для гэтага будзе ажыццёўлены пераход на паўнавартаснае кругласутачнае FM-вяшчанне.

На базе звестак, атрыманых па выніках сацыялагічных даследаванняў папулярнасці беларускіх радыёстанцый, абноўлены праграмны пакет і ўнесены змяненні ў сетку вяшчання.

На новы сезон адабрана 5 новых праектаў, абноўлена 41 перадача. У сетцы вяшчання размешчана 75 праграм уласнай вытворчасці.

Сярод новых праектаў — «Гістарычны ракурс» (штотыднёвая аналітычная перадача на гістарычную тэматыку з удзелам спецыялістаў Музея сучаснай беларускай дзяржаўнасці), «Арт-салон

» (штотыднёвая дыскусійная перадача пра актуальныя праблемы беларускай культуры і мастацтва), «Этнафорум» (штотыднёвая пазнавальная перадача пра сучасныя формы беларускіх музычных традыцый), «Імправізацыя» (штотыднёвая перадача, заснаваная на «жывым» (канцэртным) выкананні музычных твораў у вялікай студыі Дома радыё), «Бонус» (штодзённая па буднях інтэрактыўная перадача, арыентаваная на FM-аўдыторыю, аўтааматараў і слухачоў мабільнага радыё).

Сумесна са спадарожнікавым тэлеканалам «Беларусь 24» будзе працягнута рэалізацыя грамадска-палітычнага праекта «Актуальны мікрафон».

У сезоне 2013—2014 гг. перапраграмаваны эфірны час з 5.00 да 6.00. У гэтым прамежку размесціцца інфармацыйны выпуск і тэматычныя рубрыкі.

У эфірнай лінейцы 21.00—22.00 уведзены дадатковыя выпускі праграмы «Тэатр Беларускага радыё», што дазволіць больш шырока выкарыстоўваць фондавыя матэрыялы, а таксама арганізоўваць тэматычныя акцыі («юбілейныя тыдні»), прысвечаныя творчасці выдатных беларускіх пісьменнікаў, драматургаў, артыстаў, рэжысёраў і кампазітараў (120-годдзе народнага артыста СССР В. Уладамірскага, 110-годдзе народнага артыста СССР Б. Платонава, 110-годдзе народнай артысткі Беларусі Р. Кашэльнікавай, 100-годдзе народнага паэта Беларусі А. Куляшова, 95-годдзе заслужанага работніка культуры БССР, рэжысёра С. Гурыч, 90-годдзе народнага пісьменніка Беларусі В. Быкава, 90-годдзе драматурга А. Вольскага, 80-годдзе народнага артыста СССР В. Тарасава, 80-годдзе народных артыстаў Беларусі В. Белахвосціка і Г. Гарбука, 65-годдзе кампазітара У. Кандрусевіча, 60-годдзе кампазітара У. Кур'яна і інш.).

Шэраг праграм, якія мелі шырокую і стабільную слухацкую аўдыторыю ў папярэднім сезоне, захоўваюцца і ўдасканальваюцца. У праектах «Беларускі шлях», «Дыялог», «Навіны планеты», «Нязведаныя гарызонты», «Пастфактум», «Радыёслужба бяспекі», «Афіша», «Вітаем, віншуем, жадаем», «Галерэя», «Гукавая дарожка», «Звычайныя гісторыі», «Кінаклуб», «Літаратурны калейдаскоп», «Рэтра» і інш. зменены хронаметраж і месца ў сетцы вяшчання, абноўлены склад творчых груп.

Удасканальваецца і музычнае вяшчанне. У сезоне 2013—2014 гг. плануецца цалкам перайсці на фармат музычнага праграмавання «Оldіе bаsеd Sоft АС». Музычная палітыка канала па-ранейшаму будзе грунтавацца на прапагандзе творчасці беларускіх аўтараў і выканаўцаў. Разам з тым у канцэртных праграмах пад рубрыкай «Музыка на ўсе часы» таксама будуць гучаць савецкія і замежныя рэтра-кампазіцыі.

Першы нацыянальны канал Беларускага радыё мае самую шырокую сетку FM/УКХ-перадатчыкаў, што дазваляе забяспечваць ахоп амаль 100% тэрыторыі рэспублікі.
Акрамя таго, Першы нацыянальны канал Беларускага радыё — адзіны ў Беларусі, які транслюецца ў лічбавым стандарце DVB-Т.

Слухайце нас у лічбавым фармаце, па правадной сетцы, у рэжыме рэальнага часу на www.rаdіо1.tvr.bу і ў FM па ўсёй краіне! Будзем разам!

Выбар рэдакцыі

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.

Грамадства

Без чаргі і за лічаныя хвіліны. Як здаюць экспрэс-тэст на каранавірус

Без чаргі і за лічаныя хвіліны. Як здаюць экспрэс-тэст на каранавірус

З мінулага тыдня экспрэс-тэсціраванне на COVІD-19 даступнае ў многіх паліклініках краіны, у тым ліку і ў невялікіх гарадках і пасёлках гарадскога тыпу.

Палітыка

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Пра гэта ён заявіў сёння на рабочай сустрэчы з Наталляй Качанавай і Віктарам Шэйманам.