Гэтымі днямі надвор'е ў Беларусі пагоршыць больш вільготнае паветра, што рухаецца да нас з боку Заходняй Еўропы, паведаміла рэдакцыі галоўны сіноптык Рэспубліканскага гідраметцэнтра Мінпрыроды Людміла ПАРАШЧУК.
Такім чынам, у аўторак чакаецца воблачнае надвор'е, калі месцамі па Брэсцкай, Гродзенскай і Віцебскай, а таксама па захадзе Мінскай вобласці пройдуць невялікія кароткачасовыя дажджы. Максімальная тэмпература паветра ўдзень плюс 17-23 градусы. Даволі цёплае і няўстойлівае надвор'е захаваецца ў нас у сераду і чацвер. Таму месцамі будуць ісці кароткачасовыя дажджы. Тэмпература паветра ўначы 7-13 цяпла, удзень плюс 16-22 градусы.
Паводле папярэдніх разлікаў айчынных спецыялістаў, з пятніцы і на выхадныя на тэрыторыю Беларусі пачне паступаць больш вільготнае паветра з боку Міжземнага мора. Таму ў гэтыя дні амаль паўсюдна чакаюцца кароткачасовыя дажджы сярэдняй інтэнсіўнасці. Уначы стане яшчэ цяплей — 9-14, удзень будзе плюс 13-18 градусаў, а па паўночным захадзе пры праясненнях да 19-22 цяпла.
Сіноптыкі падлічылі, што такі тэмпературны фон прыкладна на 2-3 градусы вышэйшы за кліматычную норму. Паводле слоў Людмілы Парашчук, менавіта таму пра «бабіна лета» гаварыць сёння зарана. Будзем чакаць яго ў другой палове верасня ці ў першай дэкадзе кастрычніка.
Сяргей КУРКАЧ.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
