Па словах дырэктара СЗАТ «БелДжы» Дзмітрыя Батракова, не раней за кастрычнік 2013 года запланаваны пачатак зборкі і выхад на беларускі рынак красовера Еmgrаnd Х7. «Гэта вялікі ўніверсальны аўтамабіль, які будзе запатрабаваны як прадпрыемствамі, так і фізічнымі асобамі», — адзначае кіраўнік сумеснага беларуска-кітайскага прадпрыемства па зборцы легкавых аўтамабіляў.
Нагадаем, што «БелДжы» з'явілася ў Беларусі ў снежні 2011 года. Наша першая ўласная вытворчасць па зборцы легкавых аўтамабіляў знаходзіцца ў Барысаве. Акцыянеры — сусветны гігант па выпуску кар'ерных самазвалаў «БелАЗ», СЗАТ «Саюзаўтатэхналогіі» і Gееlу Іntеrnаtіоnаl Соmраnу. Продажы сабраных у Беларусі па кітайскай тэхналогіі аўтамабіляў пачаліся сёлета, у сакавіку, праз дылерскую сетку. Больш за 170 аўтамабіляў ужо знайшлі сваіх першых уладальнікаў. У планах прадпрыемства — будаўніцтва новага завода магутнасцю, якая будзе ў дзясяткі разоў перавышаць існуючую.
Дарэчы, тэхналогіі шведскага брэнда Vоlvо, выкупленага Gееlу ў 2010 годзе, актыўна ўкараняюцца ва ўсе мадэлі Gееlу, незалежна ад месцазнаходжання вытворчасці.
Уладзіслаў КУЛЕЦКІ
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.