16 студзеня, субота

Вы тут

Прыняты Дадатковыя меры па ліквідацыі і недапушчэнні распаўсюджвання АЧС


У Беларусі прыняты дадатковыя меры па ліквідацыі і недапушчэнні распаўсюджвання АЧС. Гэта прадугледжана пастановай Савета Міністраў № 758 ад 29 жніўня 2013 года «Аб дадатковых мерах па ліквідацыі і недапушчэнні распаўсюджвання афрыканскай чумы свіней і іншых небяспечных захворванняў жывёл», якая афіцыйна апублікавана на Нацыянальным прававым інтэрнэт-партале, паведамляе БЕЛТА.

Аблвыканкамам і Мінскаму гарвыканкаму даручана да 1 кастрычніка 2013 года стварыць сістэму прафілактычных мер па недапушчэнні ўзнікнення і распаўсюджвання афрыканскай чумы свіней і іншых небяспечных захворванняў жывёл.

Акрамя таго, у населеных пунктах, у якіх зарэгістравана афрыканская чума свіней, забаронена ўтрыманне свіней на асабістых падворках грамадзян на тэрмін не меншы чым 6 месяцаў пасля забою ўсіх свіней і правядзення комплексу ветэрынарна-санітарных мерапрыемстваў, а таксама на падворках работнікаў жывёлагадоўчых аб'ектаў. Забаронена рэалізацыя жывых свіней (акрамя маладняку свіней) са свінагадоўчых комплексаў, за выключэннем здачы ў мясаперапрацоўчыя арганізацыі.

Таксама забаронена рэалізацыя без узгаднення з дзяржаўнай ветэрынарнай службай свініны і прадуктаў забою свіней, камбікармоў, кармавых сумесяў, вотруб'я, кармавых адходаў мукамольнай і крупяной вытворчасці, бялкова-вітамінных мінеральных дабавак і прэміксаў юрыдычнымі і фізічнымі асобамі, у тым ліку індывідуальнымі прадпрымальнікамі, за выключэннем мясаперапрацоўчых прадпрыемстваў, а таксама імпарт гэтай прадукцыі з нядобранадзейных па афрыканскай чуме свіней краін (рэгіёнаў), неарганізаваны гандаль свінінай.

Акрамя таго пастановай зацверджаны Палажэнне аб Рэспубліканскім штабе па прыняцці экстранных мер па ліквідацыі афрыканскай чумы свіней і іншых небяспечных захворванняў жывёл і яго склад, Часовае палажэнне аб асаблівым рэжыме выкарыстання рэсурсаў дзіка на тэрыторыі Рэспублікі Беларусь, План першачарговых мерапрыемстваў па ліквідацыі афрыканскай чумы свіней і недапушчэнні яе распаўсюджвання на тэрыторыі Рэспублікі Беларусь, Палажэнне аб парадку ўстанаўлення і зняцця каранціну, Палажэнне аб парадку адабрання хворых жывёл і (або) прадуктаў жывёльнага паходжання, атрыманых ад іх, і кампенсацыі ўрону юрыдычным і фізічным асобам, у тым ліку індывідуальным прадпрымальнікам, пры ліквідацыі ачагоў заразных хвароб жывёл і шэраг іншых нарматыўных дакументаў.

МНС

сумесна з Мінфінам і Мінсельгасхарчам прадпісана ў 2013 годзе і першым паўгоддзі 2014 года набыць абсталяванне для дэзынфекцыі.

Лічыцца мэтазгодным Белаграпрамбанку і Беларусбанку прадаставіць арганізацыям, якія маюць пацярпелыя ад афрыканскай чумы свіней жывёлагадоўчыя аб'екты, да двух гадоў адтэрміноўку налічваемых працэнтаў і пагашэння запазычанасці па атрыманых раней крэдытах з далейшай растэрміноўкай плацяжу, а таксама забяспечыць выдзяленне льготных крэдытаў названым арганізацыям для аднаўлення страчанай магутнасці і рэканструкцыі жывёлагадоўчых аб'ектаў зыходзячы з сучасных патрабаванняў аднаўлення пагалоўя свіней.

Мінсельгасхарчу сумесна з Мінфінам да 15 кастрычніка гэтага года даручана прапрацаваць пытанне аб стварэнні Нацыянальнага лабараторнага цэнтра па пытаннях дыягностыкі захворванняў жывёл, кантролю за бяспекай кармоў, у тым ліку камбікармоў, і харчовай прадукцыі.

Акрамя таго, Мінсельгасхарчу сумесна з Мінэканомікі, Міністэрствам працы і сацыяльнай абароны і іншымі зацікаўленымі прадпісана забяспечыць узаемадзеянне з Міжнародным эпізаатычным бюро, кампетэнтнымі органамі краін — удзельніц МС, СНД і ЕС па выбудоўванні агульнай стратэгіі па прафілактыцы і ліквідацыі небяспечных інфекцыйных захворванняў жывёл, у тым ліку агульных для чалавека і і жывёл.

Нацыянальнай акадэміі навук Беларусі даручана завяршыць у 2014-2015 гадах рэканструкцыю аб'ектаў Інстытута эксперыментальнай ветэрынарыі імя С.М. Вышалескага.

Мясцовым уладам даручана праводзіць растлумачальную работу з насельніцтвам, у тым ліку з выкарыстаннем усіх даступных СМІ, па пытаннях барацьбы з АЧС і іншымі небяспечнымі захворваннямі жывёл, адпаведную растлумачальную работу рэкамендавана праводзіць дэпутатам усіх узроўняў і членам Савета Рэспублікі Нацыянальнага сходу.

Мінюсту і Мінсельгасхарчу даручана сумесна з зацікаўленымі ў месячны тэрмін распрацаваць і ўнесці ва ўстаноўленым парадку ў Савет Міністраў праект Закона Рэспублікі Беларусь аб удасканаленні праваадносін у галіне ветэрынарнай дзейнасці. Прытым павінны быць унесены змяненні ў Крымінальны кодэкс і КоАП, якія датычацца ўзмацнення мер адказнасці за непаведамленне аб падзяжы жывёлы (іх захворванні), вытворчасць, продаж або выкарыстанне недабраякасных кармоў і кармавых дабавак, парушэнне каранцінных правілаў і абмежаванняў, а таксама іншых ветэрынарных правілаў.

Пастанова ўступае ў сілу з дня яе прыняцця.

Выбар рэдакцыі

Грамадства

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Што рабіць, калі нечакана маці або бацька сталі вельмі настойліва заяўляць пра сябе?

Культура

Слухаць сняжынкі, сачыць за ростам травы. Янка Сіпакоў не любіў тусовак  і лічыў адзіным багаццем кнігі

Слухаць сняжынкі, сачыць за ростам травы. Янка Сіпакоў не любіў тусовак і лічыў адзіным багаццем кнігі

Вось ужо дзесяць гадоў, як пісьменнік Янка Сіпакоў застаўся ў сваіх кнігах — і тых, што падарыў, а найперш, у тых, што напісаў... А споўнілася б яму сёння 85 гадоў.