Вы тут

Дэпутаты і моладзь разважалі пра народаўладдзе


Дзень дэмакратыі (15 верасня) прыдумалі парламентарыі. Ён быў аб'яўлены Генеральнай Асамблеяй ААН у снежні 2007 года ў сувязі з прыняццем у верасні 1997 года Міжпарламенцкім саюзам Усеагульнай дэкларацыі аб дэмакратыі. Такім чынам, цалкам натуральна, што ва ўсім свеце менавіта парламентарыі першымі згадваюць гэту дату і імкнуцца нагадаць пра яе астатнім.

Дэпутаты ніжняй палаты беларускага парламента традыцыйна ў гэты дзень запрасілі ў Авальную залу сталічную моладзь.

— Мэта сённяшняй сустрэчы — паказаць, што дэмакратыя — гэта не ўсёдазволенасць, а кіраванасць, і кіраванасць знізу, — патлумачыў журналістам намеснік старшыні Пастаяннай камісіі Палаты прадстаўнікоў Нацыянальнага сходу Рэспублікі Беларусь па міжнародных справах Віталь БУСЬКО

. — Я 30 гадоў адпрацаваў у ВНУ і сустракаюся з тымі, хто пачынае свой шлях так, як пачынаў калісьці сам. Я таксама быў студэнтам, малодшым навуковым супрацоўнікам, выкладчыкам, а цяпер уваходжу ў вышэйшы заканадаўчы орган краіны і прымаю законы, па якіх жывуць гэтыя маладыя людзі і іх бацькі.

1379108410273_14-26

 

— Акрамя таго, мне, ды і ўсім дэпутатам, вельмі важна ведаць, чым дыхае моладзь, пра што думае, што ёй патрэбна, чаго ёй не хапае, — дадаў парламентарый. — Сёння мінская студэнцкая моладзь — гэта сіла. З ёй трэба лічыцца. Нарэшце, такія сустрэчы дазваляюць адчуць сябе маладым. Калі я працаваў дэканам, я заўсёды казаў пра студэнтаў, што гэта — эліта, яны лепшыя за астатніх.

Усяго ў Доме ўрада адбылося дзве сустрэчы, прымеркаваныя да сёлетняга Дня дэмакратыі. Раніцай з вучнямі сталічных школ сустракаўся дэпутат Пастаяннай камісіі Палаты прадстаўнікоў па ахове здароўя, фізічнай культуры, сямейнай і моладзевай палітыцы Дзмітрый ШАЎЦОЎ, а ў другой палове дня Віталь Бусько вітаў у сценах парламента студэнтаў Беларускага дзяржаўнага ўніверсітэта інфарматыкі і радыёэлектронікі. Акрамя таго, у Авальнай зале Палаты прадстаўнікоў студэнтам першага і другога курсаў БДУІР былі ўручаны членскія білеты грамадскага аб'яднання «Беларускі рэспубліканскі саюз моладзі».

Вольга МЯДЗВЕДЗЕВА.

Выбар рэдакцыі

Грамадства

Не трапіць у рабства анлайн. Як у краіне змагаюцца з гандлем людзьмі

Не трапіць у рабства анлайн. Як у краіне змагаюцца з гандлем людзьмі

З 2000 года ў Беларусі выяўлена 4421 злачынства, звязанае з гандлем людзьмі.

Эканоміка

Дзесяць пытанняў пра крэдыты, або Што трэба ведаць аб крэдыце, каб ён стаў сродкам рэалізацыі мэт, а не цяжарам на плячах

Дзесяць пытанняў пра крэдыты, або Што трэба ведаць аб крэдыце, каб ён стаў сродкам рэалізацыі мэт, а не цяжарам на плячах

Пра што абавязкова трэба падумаць перад тым, як браць на сябе фінансавыя абавязацельствы перад банкам?

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.