Паводле статыстычнай інфармацыі Нацыянальнага банка краіны, зарэгістраваны заробак беларусаў за мяжой разам з грашовымі і іншымі пераводамі прыватных асоб з-за мяжы ў Беларусь у першым паўгоддзі склаў 509,5 млн долараў.
Аналітыкамі адзначаецца, што ў структуры даходаў, атрыманых беларусамі за мяжой у студзені—чэрвені гэтага года, на долю чыстай аплаты іх працы (за вылікам выплачанага падаходнага падатку і іншых выдаткаў) прыпадае 245,3 млн долараў.Грашовыя пераводы работнікаў склалі 227,6 млн долараў. Для параўнання: сума асабістых пераводаў, атрыманых беларусамі з-за мяжы ў першым паўгоддзі 2012 года, склала 399 млн долараў.
Спецыялістамі банка прапануюцца лічбы і па асабістых пероводах, якія былі выплачаны з Беларусі ў іншыя краіны. За шэсць месяцаў яны склалі 58,7 млн долараў.
Экспертамі Нацбанка адзначаецца, што ў апошнія гады назіраецца сур'ёзнае павелічэнне асабістых пераводаў, атрыманых беларусамі з-за мяжы. Для параўнання: летась атрыманыя беларусамі асабістыя пераводы склалі 950,8 млн долараў, у 2011 годзе — 792,3 млн, у 2010 годзе — 500,2 млн долараў.
Сяргей КУРКАЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
