Вы тут

Аплатныя тэрміналы з'явяцца ў 23 аграэкасядзібах


У новай перамозе безнаяўных разлікаў над гатоўкай дапаможа Белаграпрамбанк. «Запрацуюць новыя тэрміналы з 1 кастрычніка», — паведаміла першы намеснік старшыні праўлення банка Наталля ШАЎЦОВА падчас прэс-тура па некаторых аграэкасядзібах.

1379626680249_20-14

Толькі адзінкі пагадзіліся

Усяго ў Беларусі 1775 аграэкасядзіб. З іх 425 крэдытаваў Белаграпрамбанк. Але адгукнуліся на прапанову аб усталяванні аплатных тэрміналаў толькі 23 гаспадары. З 1 кастрычніка ўжо можна будзе расплаціцца за адпачынкавыя паслугі па пластыкавай картцы, што вельмі актуальна для наведнікаў аграсядзіб, у тым ліку для замежных грамадзян. Акрамя таго, праект дазволіць пашырыць сетку безнаяўных разлікаў у рэспубліцы. Аплатныя тэрміналы банка будуць усталёўвацца на бясплатнай аснове, гаспадары сядзіб будуць плаціць толькі 0,2% ад сумы плацяжоў.

Крэдытаванне аграсядзіб — гэта некамерцыйны праект

Прадстаўнік банка адзначыла: «На ім (крэдытаванні аграсядзіб. — Аўт.) банк не зарабляе, гэта не камерцыйны, а сацыяльны праект». «Мы не будзем спыняць крэдытаванне аграэкасядзіб», — падкрэсліла Наталля Шаўцова. Гэты праект рэалізуецца з 2008 года. Аб'ёмы крэдытавання склалі 21 млрд рублёў. Між іншым, фізічныя асобы — уладальнікі сядзіб — максімальна могуць атрымаць крэдыт у памеры 2 тысяч базавых велічынь (200 млн рублёў) на 7 гадоў пад 5 % гадавых, што цяпер з'яўляецца вельмі нядрэннымі ўмовамі.

Дарэчы, сёння дынаміка крэдытавання знізілася. Усплёск крэдытавання назіраўся некалькі гадоў таму. Сёлета на гэтыя мэты банк накіраваў 3 млрд рублёў. Пры гэтым Наталля Шаўцова падкрэсліла, што кліенты банка па гэтым відзе крэдытавання адказныя, практычна не ўзнікае праблем з запазычанасцю.
Можа быць, менавіта таму банк гатовы ў перспектыве ўдзельнічаць у новым праекце па крэдытаванні аб'ектаў прыдарожнага сэрвісу.

Бліжэй да Мінска — выгадна

У ліку атрымальнікаў крэдытаў Белаграпрамбанка — сядзібы Валожынскага раёна. А гэты раён, між іншым, з'яўляецца адным з найбольш актыўных рэгіёнаў па развіцці аграэкатурызму — тут дзейнічаюць 24 аграсядзібы. Спрацоўвае, відаць, блізкасць да сталіцы, дзе больш за ўсё і можа быць ахвотнікаў адпачыць па-сельску. Тут жа (у раёне) працуе грамадская рада па аграэкатурызме, інфармацыйны цэнтр па ўстойлівым развіцці аграэкатурызму і сельскага прадпрымальніцтва. У 2012 годзе сядзібы раёна наведалі больш як 8,2 тысячы чалавек, з іх амаль 600 — замежнікі (з Расіі, Польшчы, Англіі, ЗША, Ізраіля, Кітая, Новай Зеландыі, Венесуэлы). Агульная сума даходу сядзіб, атрыманага ад аказання паслуг у сферы аграэкатурызму, склала больш за 1 млрд рублёў.

«Звязда» будзе працягваць аповед пра аграэкатурызм на сваіх старонках.

ЛІЧБЫ

Сёння ў Беларусі зарэгістравана 1775 аграэкасядзіб (амаль у 10 разоў больш, чым было ў 2008 годзе). Летась сядзібы, што былі пракрэдытаваны Белаграпрамбанкам, наведалі 98,3 тысячы чалавек (прырост да 2011 года — 19,3%). Даходы суб'ектаў аграэкатурызму павялічыліся на 7,5 млрд рублёў і склалі ў 2012 годзе 18,2 млрд.

Уладзіслаў КУЛЕЦКІ, фота аўтара.
Смалявіцкі раён, Валожынскі раён

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.