Вы тут

«Выйграюць ад гэтага ўсе!»


Менавіта так ацаніў краязнаўчую працу «Ігуменскага тракта» дырэктар выдавецтва «Беларуская Энцыклапедыя імя Петруся Броўкі» Уладзімір Аляксандраў, які асабіста ўручаў шыкоўныя кніжныя падарункі пераможцам конкурсу «Мясціны, знітаваныя з душой».
Уладзімір Аляксандраў падзякаваў газеце «Звязда» за вялікую падзвіжніцкую дзейнасць, за тое, што журналісты збіраюць вакол сябе краязнаўцаў, гісторыкаў, этнографаў, ды і ўсіх, каму неабыякавая наша спадчына, што дапамагаюць іх творам дайсці да шырокага кола чытачоў.

1379972306714_24-10

Уручаючы каштоўныя кнігі, Аляксандраў патлумачыў:

— «Струкаў. Альбом малюнкаў. 1864—1867» — гэта пазамінулае стагоддзе, наша даўніна ва ўвасабленні аўтара. Вельмі рарытэтнае выданне, карыстаецца вялікай папулярнасцю і за межамі краіны. У кнізе «Полацк. 1150» старажытны горад адлюстраваны з глыбінь стагоддзяў і да нашых дзён. Выданне атрымала Гран-пры на Маскоўскім міжнародным кніжным кірмашы.
Атрымаць каштоўныя падарункі ў рэдакцыю «Звязды»прыехалі Марыя Храмлюк з вёскі Лойкі Гродзенскай вобласці і Таццяна Грынкевіч з Баранавіч. Жанчыны былі надзвычай узрадаваны і ўсхваляваны такой увагай, казалі, што раней нічога не выйгравалі. Добрыя словы пра іх краязнаўчую працу нарэшце атрымалі матэрыяльнае ўвасабленне. Цяпер даследаваць свой край і пісаць пра яго яны будуць яшчэ з большым імпэтам, яшчэ болей знітоўваючы са сваёй душой усё, што адбываецца навокал.
Нагадаем, што конкурс працягваецца, бо не павінны спыняцца добрыя справы. Умовы чытайце ў «Ігуменскім тракце» за 10 верасня.

Ніна ШЧАРБАЧЭВІЧ

Выбар рэдакцыі

Грамадства

«Догляд займае не больш за хвіліну». Як правяраюць наведвальнікаў перад уваходам у фан-зону?

«Догляд займае не больш за хвіліну». Як правяраюць наведвальнікаў перад уваходам у фан-зону?

Пералік рэчаў, забароненых да праносу, змешчаны на ўваходзе ў кантрольна-прапускны пункт.

Эканоміка

Што мы купляем праз інтэрнэт, і чаму айчынны гандаль у сеціве прайграе

Што мы купляем праз інтэрнэт, і чаму айчынны гандаль у сеціве прайграе

Электронны гандаль у нашай краіне працягвае расці. 

Грамадства

Мінчанка трымае ў аднапакаёвай кватэры жывога пітона

Мінчанка трымае ў аднапакаёвай кватэры жывога пітона

У Машы Афанасій жыве каля года. Такі незвычайны падарунак ёй зрабіў сябар.