Вы тут

Беларускі ганчак вяртаецца


Верасень — месяц традыцыйных конкурсаў паляўнічых сабак. Некалькі дзён таму Мінскі абласны Савет Беларускага таварыства паляўнічых і рыбаловаў правёў чарговую выстаўку — 23-ю па ліку. Яна прайшла на беразе маляўнічага возера пад Смалявічамі. На гэты восеньскі паляўнічы форум гаспадары-паляўнічыя прывезлі сваіх чатырохногіх памочнікаў з 10 раёнаў Міншчыны. Больш за 150 сабак прадстаўлялі 15 асноўных паляўнічых парод, якія найбольш шануюцца ў Беларусі.

1380058531417_1

На шасці рынгах свае лепшыя якасці дэманстравалі барзыя, ганчакі, лайкі, ягдтэр'еры, фокстэр'еры, курсхары, дратхары, таксы і спаніэлі. Эксперт рэспубліканскай катэгорыі Святаслаў Новік

зазначыў, што дыпломы сабакам-пераможцам выдаюцца за знешні выгляд і склад цела (экстэр'ер), іншыя асаблівасці чатырохногага сябра. Для сабакаводаў вельмі важна мець дакумент, які пацвярджае адпаведнасць жывёлы прынятым стандартам і генетычным якасцям.

1380058534901_2

Асаблівасцю цяперашняй дэманстрацыі паляўнічых сабак стаў удзел у ёй беларускага ганчака — старажытнай пароды гончых сабак, вядомых яшчэ з часоў Вялікага Княства Літоўскага. Дзесяць гадоў займаецца вывучэннем радаводу беларускага ганчака, вывучае культуру і традыцыі палявання з гэтымі сабакамі жыхар Маладзечна Уладзімір Лазарэнка.

1380058536891_3

Пакуль сярод беларускіх паляўнічых найбольш любімымі пародамі застаюцца англа-рускія і эстонскія гончыя. Але хто-ніхто заводзіць ужо і беларускую гончую пароду. Вось і жыхар пасёлка Партызанскі Уладзімір Краўчонак і паляўнічы з Мінска Ігар Шчарбакоў прыехалі на форум з нашым, можна сказаць, нацыянальным здабыткам у паляўнічай справе.

1380058538303_4

— Гаспадары, чые гадаванцы адзначаны дыпломамі, у якасці заахвочвання атрымаюць паляўнічыя пуцёўкі раней на месяц перад пачаткам загонных паляванняў, — кажа эксперт Новік. — А лепшыя з лепшых сабак-пераможцаў будуць уключаны ў Беларускую кнігу паляўнічага сабакаводства.

1380058541179_5

На фотаздымках: Мінчанін Ігар Шчарбакоў з сынам Аляксеем і іхнім любімцам — шчанюком беларускага ганчака па мянушцы Вірта; удзельнікі конкурсу Уладзімір Краўчонак і Уладзімір Лазарэнка з беларускімі ганчакамі Басам і Лютрай, 4-гадовы жыхар Мінска Мікалай Лявончык у чаканні выступлення лайкі Аі; конкурснае «дэфіле»з лайкамі; паляўнічыя са Случчыны Аляксандр Самусевіч і Міхаіл Капко за вынікі выступленняў сваіх гадаванцаў Задора і Тайгі атрымалі дыпломы 1-й ступені.

Анатоль КЛЯШЧУК. Фота аўтара.

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.