Вы тут

З Камарына пачалося вызваленне Беларусі


Камарын стаў першым населеным пунктам на тэрыторыі Беларусі, які вызвалілі савецкія войскі пасля акупацыі 70 гадоў таму.

У дзень 23 верасня 1943 года, падчас Чарнігаўска-Прыпяцкай аперацыі па вызваленні гэтага гарадскога пасёлка на поўдні Беларусі ад нямецка-фашысцкіх захопнікаў, 16 байцоў і камандзіраў былі прадстаўлены да звання Героя Савецкага Саюза.

1380058544291_25-52

Увогуле за фарсіраванне Дняпра каля Камарына 33 чалавекі былі ўдастоены гэтага высокага звання. У брацкай магіле пахаваны 627 савецкіх салдат, якія загінулі пры вызваленні населенага пункта. З аператыўнай зводкі Саўінфармбюро за 23 верасня 1943 года: «На Гомельскім напрамку нашы войскі, працягваючы развіваць паспяховае наступленне, прасунуліся наперад ад 10 да 20 кіламетраў, занялі звыш 300 населеных пунктаў, сярод якіх буйныя населеныя пункты Васільеўка, Мар'інская, Цынка, Лугавец, Лопазна, Вялікая Дуброва, Красновічы, Старая Гута, Найтопавічы, Дарэевічы, Істобкі, Карпавічы, Салаўёўка, Шумілаўка, Пятроўка, Дуброўнае, Кулікоўка, Пятрушын, Палуботкі, Кархоўка, Відзельцы».

Урачыстыя мерапрыемствы прайшлі ў гэтым населеным пункце на поўдні Беларусі. Жыхары і госці Камарына ўспомнілі пра падзеі 70-летняй даўнасці і ўшанавалі памяць загінулых герояў. Адбылася паніхіда, а таксама мітынг-рэквіем каля абеліска воінам-вызваліцелям. Да брацкай магілы ўскладзены вянкі і кветкі. Пляц-парад роты ганаровай варты Гомельскага інжынернага інстытута МНС стаў адным з самых відовішчных фрагментаў свята. А потым для ўсіх гасцей і жыхароў аграгарадка спявала заслужаная артыстка Беларусі Ірына Дарафеева. Завяршыліся ўрачыстасці святочным салютам.

Ірына АСТАШКЕВІЧ.

Выбар рэдакцыі

Грамадства

Валанцёры супраць каранавіруса: адзін дзень з жыцця мінскага хаба ByCovid19

Валанцёры супраць каранавіруса: адзін дзень з жыцця мінскага хаба ByCovid19

Запушчаная кампанія па дапамозе медыкам ByCovid19 перарасла ў буйны «антыкаранавірусны» рух.

Культура

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Гэта была сенсацыя: у 2018 годзе быў паказаны страчаны фiльм Дзiгi Вертава.

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.