Вы тут

Свята для сем'яў з невылечна хворымі дзецьмі


Напярэдадні Дня маці і Сусветнага дня хоспісаў, які адзначаецца штогод у другую суботу кастрычніка, у Мінску пройдзе свята для сем'яў з невылечна хворымі дзецьмі, якія знаходзяцца пад апекай Беларускага дзіцячага хоспіса.

Свята адбудзецца 28 верасня ў дзіцячым перасоўным луна-парку, які прадаставіць свае атракцыёны хворым дзецям. На працягу дня яны змогуць пакатацца на атракцыёне «Рамонак», паскакаць на батуце, паспрабаваць свае сілы на аўтадроме і ўзняць настрой у пакоі смеху. Забаўляць гасцей свята будуць клоўны, якія рэгулярна працуюць з невылечна хворымі дзецьмі ў рамках адной з праграм Беларускага дзіцячага хоспіса. Прыедуць на мерапрыемства таксама мінскія байкеры, якія абяцаюць пакатаць усіх ахвотных. Усяго на свяце чакаецца ад 50 да 80 дзяцей з бацькамі.

Асноўная мэта гэтага мерапрыемства — не толькі падарыць радасць цяжкахворым дзецям і іх сем'ям, але і расказаць сучаснаму свету аб філасофіі дзіцячага хоспіса. Бо хоспіс — гэта не месца для смерці, а месца для якаснага, паўнавартаснага і насычанага жыцця да апошняга яго дня.

Ініцыятарам правядзення гэтага свята выступіў рэкардсмен Кнігі Гінэса Кірыл ШЫМКО.

У 2013 годзе Кірыл стаў паслом добрай волі Беларускага дзіцячага хоспіса. Ён дапамагае прыцягваць увагу грамадскасці да праблемы дзіцячых хоспісаў, а таксама ў пошуку спонсараў для будаўніцтва новага дзіцячага хоспіса ў Бараўлянах. «Я ўпэўнены, што дзеці, якія сутыкаюцца ў сваім жыцці з цяжкай хваробай, нашмат мацней за самых дужых людзей планеты, якія могуць рухаць танкі, самалёты або караблі. Бо колькі трэба сіл і мужнасці, каб змагацца з хваробай да канца і пры гэтым не сумаваць! Я вельмі хачу падтрымаць усіх падапечных Беларускага дзіцячага хоспіса і абяцаю ўсім гасцям свята сюрпрыз!» — кажа Кірыл Шымко.

Свята адбудзецца 28 верасня з 11-00 да 13-00. Месца правядзення: дзіцячы перасоўны луна-парк на скрыжаванні вул. Русіянава і Нікіфарава. Мерапрыемства праводзіцца пры падтрымцы адміністрацыі Першамайскага раёна Мінска.

Святлана БУСЬКО.

ВАЖНА

Хоспісу можна дапамагчы ў будаўніцтве шляхам пералічэння на дабрачынны рахунак:
Р/р 3135145259013 у ААТ «БПС —Ашчадбанк», код 369, 220005 г. Мінск, бул. Мулявіна, 6, Атрымальнік: ОБО « Беларускі дзіцячы хоспіс», 223053 РБ, Мінскі р -н, в. Бараўляны, вул. Бярозавы гай 100 А, УНП 100806662, ОКПО 37342741.

Даведка «звязды»

ГА «Беларускі дзіцячы хоспіс» — гэта некамерцыйная дабрачынная арганізацыя, якая валодае медыцынскай ліцэнзіяй і аказвае сацыяльную, медыцынскую, псіхалагічную і духоўную дапамогу невылечна хворым дзецям і іх сем'ям. Пад апекай дзіцячага хоспіса сёння знаходзіцца каля 300 дзяцей з невылечнымі анкалагічнымі, неўралагічнымі, генетычнымі і іншымі захворваннямі.

Выбар рэдакцыі

Грамадства

Не трапіць у рабства анлайн. Як у краіне змагаюцца з гандлем людзьмі

Не трапіць у рабства анлайн. Як у краіне змагаюцца з гандлем людзьмі

З 2000 года ў Беларусі выяўлена 4421 злачынства, звязанае з гандлем людзьмі.

Эканоміка

Дзесяць пытанняў пра крэдыты, або Што трэба ведаць аб крэдыце, каб ён стаў сродкам рэалізацыі мэт, а не цяжарам на плячах

Дзесяць пытанняў пра крэдыты, або Што трэба ведаць аб крэдыце, каб ён стаў сродкам рэалізацыі мэт, а не цяжарам на плячах

Пра што абавязкова трэба падумаць перад тым, як браць на сябе фінансавыя абавязацельствы перад банкам?

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.