22 Верасень, субота

Вы тут

Ад камунальных плацяжоў да блакіравання карткі


Мы ўжо расказвалі пра тое, як бяспечна праводзіць плацяжы ў інтэрнэце. Але пасля публікацыі нашы чытачы тэлефанавалі і пыталіся, у прыватнасці, пра тое, што ўвогуле сабою ўяўляе інтэрнэт-банкінг і мабільны банкінг. Наш эксперт начальнік аддзела арганізацыі працы Разліковага цэнтра пластыкавых картак Беларусбанка Алена ЛАГУНІНА пагадзілася патлумачыць сэнс гэтых сэрвісаў.

ПЛАЦЯЖЫ З ЛЮБОГА МЕСЦА

«Інтэрнэт-банкінг і мабільны банкінг уваходзяць у лік сэрвісаў так званага дыстанцыйнага банкаўскага абслугоўвання і дазваляюць трымальнікам картак кругласутачна практычна з любой кропкі свету праводзіць шырокі спектр плацежных і іншых аперацый (камунальныя плацяжы, грашовыя пераводы, папаўненне ўкладаў, аплата крэдытаў, падключэнне розных банкаўскіх сэрвісаў, прагляд балансу, аператыўная блакіраванне згубленых картак і інш.), — кажа спецыяліст. — Пры выкарыстанні інтэрнэт-банкінгу аперацыі праводзяцца на адмысловым сайце банка. Карыстальнікі ж мабільнага банкінгу выкарыстоўваюць, як правіла, спецыяльнае графічнае меню на сваім мабільным тэлефоне. Як разнавіднасць мабільнага банкінгу, можна вылучыць існуючы ў шэрагу банкаў сэрвіс СМС-банкінг, калі аперацыі праводзяцца проста з дапамогай набору і адпраўкі на спецыяльны нумар СМС-паведамленняў пэўнага фармату».
Дарэчы, па словах Алены Лагунінай, пералік магчымасцяў інтэрнэт- і мабільнага банкінгу індывідуальны для кожнага банка, таксама як спектр картак, якія маюць доступ да гэтых сэрвісаў, і тым больш сістэмы бяспекі, якія выкарыстоўваюцца пры правядзення плацяжоў.

БЯСПЕКА — ГАЛОЎНАЕ

«Калі казаць пра Беларусбанк, то пытанню бяспекі і надзейнасці каналаў дыстанцыйнага банкаўскага абслугоўвання надаецца вялікая ўвага. Пры здзяйсненні аперацый праз інтэрнэт- і мабільны банкінг выкарыстоўваюцца шматузроўневыя сістэмы абароны звестак, якія перадаюцца, доступ да паслуг абаронены ад несанкцыянаванага выкарыстання паролямі (а ў інтэрнэт-банкінгу — і лагінам карыстальніка)», — заяўляе прадстаўнік банка. У той жа час і самі трымальнікі картак павінны праяўляць разумную абачлівасць. Да прыкладу, не выдаваць і не захоўваць у даступным для іншых месцы індывідуальную інфармацыю аб паролях і лагінах.
«Правядзенне плацяжоў з дапамогай інтэрнэту і тэлефонаў вельмі хутка набірае папулярнасць: сёння сярод трымальнікаў картак Беларусбанка карыстальнікамі гэтых каналаў абслугоўвання з'яўляецца больш за 1,1 мільёна чалавек. Гэта і не дзіўна, бо мабільнасць у кіраванні ўласнымі фінансамі робіць жыццё не толькі больш камфортным, але і пакідае больш часу на зносіны з блізкімі і сябрамі», — лічыць спецыяліст.

Уладзіслаў КУЛЕЦКІ

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.