Вы тут

Як вы ставіцеся да прадказання будучыні і варажбы?


Вольга АЛІМАВА, фатограф:

1381787455877_1

— Да варажбы ў мяне супярэчлівае стаўленне. Некаторыя дагэтуль займаюцца ёю, напрыклад, у ноч на Каляды ці на Купалле. Пытанне: навошта варажыць, калі ты можаш звярнуцца да Бога? Такім чынам паганскія абрады, карані якіх у нашай гісторыі, разам з хрысціянствам ствараюць кантрасную карціну. А што да прадказання будучыні, то я думаю, што гэта ў пэўнай ступені прыніжэнне магчымасцяў чалавека ўплываць на свой лёс. Можа, гэта толькі ілюзія ўладарання ўласным жыццём, але для мяне важны не столькі вынік, колькі сам працэс пазнання, стварэння і развіцця.

Марына ЦЕРАХАВА, дзіцячы практык-псіхолаг:

1381787457200_2

— У прадказанні я веру, але, напрыклад, астролагам не давяраю, лічу гэта спосабам зарабляць грошы. А супастаўляючы прадказанні той жа Вангі з рэчаіснасцю, веру, што ёсць нейкія вышэйшыя сілы, а таксама адзінкі сярод людзей, якія могуць прадбачыць. У маладосці я сутыкнулася з варажбой. Мне прадказалі дваіх дзяцей, хлопчыкаў, з розніцай у сем гадоў. У маіх дзяцей насамрэч такая розніца ва ўзросце, праўда, гэта хлопчык і дзяўчынка. А вось маёй сяброўцы наваражылі неўзабаве вялікае гора і позняе замужжа, і праўда: хутка ў яе памерла маці, а замуж яна выйшла ў 32. Але выпадкі, калі варажба збываецца, рэдкасць.

Наталля ВОЛКАВА, бібліёграф Нацыянальнай бібліятэкі Беларусі:

1381787458404_3

— Усур'ёз ніколі не цікавілася варажбой ці прадказаннем будучыні. Адзінае што, неяк у падлеткавым узросце варажылі з сяброўкамі на нарачонага ў ноч на Вадохрышча (да таго ж, гэтая ноч выпала на пятніцу 13-га — ідэальнае спалучэнне для містыкі). Цяпер я замужам і магу сказаць, што з той варажбы нічога не спраўдзілася, а сам факт гэткай падлеткавай забавы ўзгадваецца з усмешкай. Увогуле, у жаданні чалавека спасцігнуць таямніцы будучыні няма нічога дзіўнага: бадай што ўсім нам уласцівыя цікаўнасць і страх перад невядомым. У той жа час спробы прадказаць будучыню заўсёды менш канструктыўныя, чым намаганні ствараць гэтую будучыню самастойна.

Падрыхтавала Дзіяна СЕРАДЗЮК.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.