Самаму маладому сярод старшынь сельсаветаў Браслаўскага раёна Паўлу АНТАНЁНКУ толькі 32 гады. Ён узначальвае выканкам Цяцеркаўскага сельскага Савета, абраны на гэтую пасаду роўна год таму. Дагэтуль быў настаўнікам сярэдняй школы ў роднай вёсцы Мількі.
— На тэрыторыі нашага сельсавета 49 населеных пунктаў — вялікіх вёсак і хутароў-аднахатак, — кажа Павел Вітольдавіч. — Хачу, каб да кожнага з іх была добрая дарога, каб жыхары, асабліва людзі старэйшага ўзросту, не адчувалі сябе забытымі, пакінутымі сам-насам са сваімі праблемамі.
Гэтымі днямі малады старшыня разам з іншымі работнікамі выканкама працуе на добраўпарадкаванні тэрыторыі, якая прылягае да будынка Цяцеркаўскага сельвыканкама (на фотаздымку).
Анатоль КЛЯШЧУК. Фота аўтара.
З усіх куточкаў Беларусі.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
