Замежным журналістам не патрэбна будзе акрэдытацыя МЗС Беларусі для асвятлення чэмпіянату свету па хакеі 2014 года, які пройдзе ў Мінску. Адпаведны ўказ № 477 «Аб некаторых пытаннях асвятлення мерапрыемстваў чэмпіянату свету па хакеі 2014 года» падпісаў кіраўнік дзяржавы Аляксандр Лукашэнка, паведамілі БЕЛТА ў прэс-службе беларускага лідара.
Дакументам прадугледжваецца, што акрэдытацыя прадстаўнікоў замежных СМІ ажыццяўляецца Міжнароднай федэрацыяй хакея (ІІХФ) і ў мэтах аптымізацыі працэдуры асвятлення мерапрыемстваў чэмпіянату свету па хакеі 2014 года атрыманне акрэдытацыі Міністэрства замежных спраў Беларусі не патрэбна.
«Такі парадак акажа істотную дапамогу ў забеспячэнні бязвізавага рэжыму знаходжання прадстаўнікоў замежных СМІ ў Беларусі і іх плённай рабоце па асвятленні мерапрыемстваў чэмпіянату свету па хакеі 2014 года. Акрамя таго, выкананне гэтай працэдуры пацвердзіць адкрытасць беларускай дзяржавы, прыхільнасць да нормаў і прынцыпаў міжнароднай практыкі пры правядзенні спартыўных мерапрыемстваў такога рангу», — адзначылі ў прэс-службе.
Разам з тым ва ўказе прадугледжваецца, што ў выпадку распаўсюджвання ў перыяд з 25 красавіка па 31 мая 2014 года замежнымі СМІ інфармацыйных паведамленняў і (або) матэрыялаў, не звязаных з асвятленнем мерапрыемстваў чэмпіянату свету па хакеі 2014 года, іх прадстаўнікам для ажыццяўлення на тэрыторыі Рэспублікі Беларусі прафесійнай дзейнасці патрабуецца атрыманне акрэдытацыі МЗС у адпаведнасці з заканадаўствам.
Указ уступае ў сілу з дня яго афіцыйнага апублікавання.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.