Прынц Чарльз не збіраецца адмаўляцца ад брытанскай кароны
У прэс-службе брытанскай каралеўскай сям'і абверглі паведамленні, змешчаныя ў часопісе Tіme, аб тым, што наследны прынц Чарльз нібыта не жадае быць манархам. «Гэта не з'яўляецца пазіцыяй прынца Чарльза і не павінна быць прыпісана яму, паколькі ён падобнага не казаў», — паведаміла BBC са спасылкай на супрацоўніка прэс-службы Кларэнс-хаўс.
«Прынц усё сваё жыццё з усведамленнем доўгу падтрымліваў каралеву. Ён займаецца паралельна і сваімі афіцыйнымі абавязкамі, і працай у сферы дабрачыннасці», — дадаў прадстаўнік прэс-службы.
Паўднёва-Украінская АЭС спыніла працу
Аўтаматычная абарона адключыла другі энергаблок Паўднёва-Украінскай АЭС ад энергасістэмы Украіны. Пра гэта паведамляе прэс-служба станцыі. Энергаблок быў спынены 25 кастрычніка ў 8.26 па мясцовым часе. Прычыны высвятляюцца. Паколькі першы і трэці энергаблокі станцыі знаходзяцца на планавым рамонце, цяпер Паўднёва-Украінская АЭС спынена цалкам. «Радыяцыйны фон на прампляцоўцы станцыі знаходзіцца ў межах нормы — 11 мікрарэнтген у гадзіну. Выкіды радыеактыўных рэчываў у навакольнае асяроддзе не перавышаюць устаноўленых дапушчальных значэнняў», — гаворыцца ў паведамленні. Паўднёва-Украінская АЭС знаходзіцца ў Мікалаеўскай вобласці Украіны. У чэрвені мінулага года на гэтай атамнай станцыі выявіліся «непаладкі» з палівам, якое паставіла японска-амерыканская кампанія Westіnghouse. Другі і трэці блокі былі ў тэрміновым парадку спынены. З-за надзвычайнага здарэння ўкраінскаму «Энергаатаму» прыйшлося звяртацца па дапамогу ў «Расатам». Пасля ў Westіnghouse заявілі, што паліва было пашкоджана ўкраінскімі спецыялістамі.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.