Вы тут

Саюзная дзяржава як лякала


Ад дынамікі яе развіцця залежыць поспех іншых інтэграцыйных праектаў.

Пра гэта ідзе размова на экспертна-медыйным форуме-семінары «Інфармацыйны вобраз Саюзнай дзяржавы», які праходзіць 28-29 кастрычніка ў Маскве на пляцоўцы агенцтва «РИА Новости».

1383036925933_29-40

Дзяржаўны сакратар Саюзнай дзяржавы Рыгор РАПОТА нагадаў удзельнікам семінара, што Саюзная дзяржава — гэта пакуль толькі праект, які знаходзіцца ў стадыі рэалізацыі і павінен завяршыцца прыняццем Канстытуцыйнага акта.

— Гэта толькі фінальная частка нашага руху, якая тады толькі будзе мець права на жыццё, калі будуць вырашаны вельмі важныя этапы: стварэнне адзінай транспартнай і энергетычнай прасторы, узгодненай прамысловай палітыкі, адзінай сацыяльнай і інфармацыйнай палітыкі, узаемадзеянне ў міжнародных адносінах, ваенна-палітычнай сферы, — сказаў Рыгор Рапота. — Цяпер найбольш прасунутай часткай Саюзнай дзяржавы з'яўляецца сацыяльная сфера, для развіцця якой стварылі добрыя ўмовы памежнікі і мытнікі, якія максімальна спрасцілі перасячэнне расійска-беларускай мяжы, і шэраг пагадненняў, што забяспечваюць аднолькавыя правы грамадзян на тэрыторыях абедзвюх краін. Самы важны элемент любой інтэграцыйнай сістэмы — умовы, пры якіх людзі не адчуюць сябе замежнікамі на тэрыторыі партнёрскіх дзяржаў.

Дзяржаўны сакратар Саюзнай дзяржавы выказаў задаволенасць тым, як удаецца каардынаваць дзвюм краінам дзеянні ў ваеннай, навукова-тэхнічнай, гуманітарнай і культурнай сферах. Разам з тым Беларусі і Расіі не атрымліваецца пакуль дасягнуць узгодненасці ў прамысловай палітыцы, няма дастаткова ўзаемадзеяння ў правапрымальнай практыцы, невырашанымі застаюцца і пытанні ўласнасці Саюзнай дзяржавы, у тым ліку інтэлектуальнай.

Што тычыцца інфармацыйнага поля, то яно сёння нагадвае вуліцу з аднабаковым рухам, лічыць пасол Беларусі ў Расійскай Федэрацыі Ігар ПЕТРЫШЭНКА. У Беларусі свабодна вяшчаюць расійскія тэлеканалы, распаўсюджваюцца друкаваныя выданні, чаго нельга сказаць пра беларускія СМІ на тэрыторыі Расіі. Расіянам не толькі не хапае, на думку беларускага пасла, інфармацыі пра Беларусь, але і расійскія СМІ часам настроеныя недружалюбна ў дачыненні да нашай краіны.

— Аб праблемных пытаннях «двойкі» трэба казаць, — падкрэсліў дыпламат. — Аднак, інфармацыйная прастора не можа быць арэнай палітычных і іншых спекуляцый. Важна даносіць дакладную інфармацыю і адказна ставіцца да яе падачы.

Вольга МЯДЗВЕДЗЕВА,
Масква.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.