У Віцебску ўзровень беспрацоўя на сёння ўсяго толькі 0,5%. Сёлета ў горадзе створаны больш як 4,2 тысячы новых працоўных месцаў. Для параўнання, агульная колькасць занятых у эканоміцы абласнога цэнтра — каля 170,5 тысячы чалавек.
Паводле інфармацыі гарвыканкама, у ліку іншых пачало сваю дзейнасць прадпрыемства па вырабе мужчынскіх кашуль, дзе створана 31 новае працоўнае месца. Адкрылася фабрыка па вытворчасці гафрыраванага кардону і ўпакоўкі з яго (працу там атрымалі каля 50 чалавек). Столькі ж працуюць на прыватнай фірме, якая нядаўна пачала займацца вырабам бялізны.
Усё больш рэалізуецца паспяховых праектаў з удзелам замежнага капіталу. У прыватнасці, завершана рэалізацыя інвестыцыйнага праекта шведскай кампаніі па стварэнні установак для атрымання звалачнага газу і вытворчасці з яго электрычнай і цеплавой энергіі на гарадскім палігоне цвёрдых камунальных адходаў. А турэцкія інвестары ўклалі грошы ў будаўніцтва аўтаматызаванага завода па вытворчасці таварных будаўнічых сумесяў.
Што тычыцца заробку, сярэднямесячная заработная плата за студзень—верасень гэтага года па горадзе склала больш як 4,7 мільёна рублёў. У тым ліку за верасень — 5 мільёнаў 139 тысяч рублёў — 567 долараў у эквіваленце.
Аляксандр ПУКШАНСКІ.
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.