- Пры пасадцы вішань і сліў уносіць гной у пасадачную яму неабавязкова. Значна больш карысці будзе ад унясення драўнянага попелу, касцявой мукі, старой вапны, перапаленай гліны або бітай тынкоўкі. У занадта ўрадлівай, «тлустай» зямлі вішні і слівы пачынаюць хварэць, у іх лопаецца кара і выцякае камедзь. Плоданашэнне ад гэтага зніжаецца. І вішні, і слівы не любяць абрэзкі кроны, пераносяць яе даволі хваравіта. Таму рэкамендуецца фарміраваць крону адразу пры пасадцы саджанцаў. Ад бакавых галін пакідаюць прыкладна па 1/3 даўжыні, цэнтральныя парасткі кароцяць напалову ці крыху менш. У наступныя гады дапушчальна толькі выдаленне падмерзлых парасткаў.
- Маліна вельмі патрабавальная да ўгнаенняў. Увесну карысна падрыхліць пад ёй глебу і замульчыраваць тоўстым слоем перапрэлай арганікі. На працягу лета можна 2-3 разы падкарміць яе вадкімі арганічнымі або мінеральнымі ўгнаеннямі: першы раз — перад цвіценнем, другі — на пачатку ўтварэння завязяў. Адразу ж пасля завяршэння перыяду плоданашэння старыя парасткі трэба выразаць пад корань і правесці трэцюю падкормку для маладых парасткаў, якая набіраюцца сіл для будучага ўраджаю.
Ірына Тамковіч
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
