У СІЗА Камітэта дзяржбяспекі змешчаны 22-гадовы беларус, які прапаноўваў суграмадзянам набыццё кватэр у сталіцы праз жыллёва-будаўнічы кааператыў за асобнае ўзнагароджанне. Малады чалавек выдаваў сябе за супрацоўніка спецыяльнага падраздзялення КДБ Беларусі і намесніка фонду афіцэрскага жылля.
Як паведамляе прэс-служба КДБ Беларусі, падчас расследавання высветлілася, што ў некаторых выпадках махляр прадстаўляўся ўраджэнцам Беластока, удзельнікам баявых дзеянняў на Блізкім Усходзе і прапаноўваў паслугі ў набыцці аўтамабіляў. Выяўлена звыш 20 эпізодаў проціпраўнай дзейнасці, сума страт перавышае 30 тысяч долараў. Заведзена 6 крымінальных спраў. Камітэт дзяржаўнай бяспекі звяртаецца да грамадзян, якія маглі пацярпець ад махінацый вышэйзгаданай асобы, з просьбай дапамагчы ў расследаванні. Паведаміць аб фактах незаконнай дзейнасці можна па нумары дзяжурнай службы Следчага камітэта: (017) 222-32-72.
Святлана БАРЫСЕНКА.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
