У законную сілу ўступіў прысуд у дачыненні да 16 гадовага сына памочніка выхавальніка дзіцячага дома сямейнага тыпу з вёскі Казлоўка Светлагорскага раёна. Маладога чалавека прызналі вінаватым у згвалтаванні дзяўчынак 7-і, 12-ці і 13-ці гадоў.
Як паведаміла «Звяздзе» афіцыйны прадстаўнік Следчага камітэта Беларусі Юлія Ганчарова, суд разглядаў справу аб гвалце ў прыёмнай сям'і з Светлагорскага раёна ў закрытым рэжыме. Дзевяць гадоў пазбаўлення волі з адбываннем пакарання ў выхаваўчай калоніі — такі прысуд вынес суддзя сыну памочніка выхавальніка.
Нагадаем, крымінальная справа першапачаткова была заведзена ў дачыненні да 43-гадовага памочніка выхавальніка дзіцячага дома сямейнага тыпу аддзела адукацыі Светлагорскага райвыканкама. Разам з жонкай яны выхоўвалі 13 дзяўчынак — сацыяльных сірот. Мужчыну затрымалі вясной гэтага года па падазрэнні ў згвалтаванні адной з іх. Гэта здарылася пасля таго, як былая выхаванка звярнулася ў медыцынскую ўстанову, бо зацяжарала. У ходзе расследавання высветлілася, што дзеянні сэксуальнага характару памочнік выхавальніка здзяйсняў таксама і ў дачыненні да іншых дзяўчатак. Больш за тое, гвалтаваў іх і родны сын памочніка выхавальніка. Крымінальная справа ў дачыненні да яго бацькі разглядаецца ў судзе.
Надзея ПАЎЛАВА.
З усіх куточкаў Беларусі.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
